Malaquía 1:14 - DAWAN BÎLA AISKA

¹⁴ ¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Malaquía 1:14 ပူးပေါင်းရင်းမြစ်များ

Blasi Sturka 27:12

Bara ban kra aisiki ai alki ai kaikbia kaka, bara upla kuninkira ai lawaska kikisna ai kulkbia, bara yang purira lahtuban lâka ni bri balamna, yamnika ba briaia wisi.

2 Samuil 24:24

Sakuna king ba witin ra win: —Lukankam na yamni kaikisna, ban sakuna diara ai mana bri ba sut, yang bui man wina atkras prisant brih, baha dukia ni sakripais dauki Dawan Gâdki ra prisantka dauki yamna apia. Baku natka ra Debit baha watla bara bîpka wainhka nani ba sut, silbar mâ 50 mana atkan,

Lawana Nani 102:16

Saion ba kli raya paskbia, bara witin ai prana ra latan bal takbia.

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 47:3

Witin bui upla bara nisan nani sut sauhki tikan, bara yawan twilkaika mununhtara mangkan.

Lawana Nani 47:8

¡Dawan sika nisan nani kingka ba! ¡Dawan sika ai iwaika holikira ra iwi ba!

Lawana Nani 48:2

¡Nahki painkira prana sa, Saion ilka pura ba, laih yahbra tani ra, tasba aiska liliaka sa, king tara tawanka sa!

Lawana Nani 68:35

Gâd ba pranakira sa ai tintka watla holikira ra; Israel Gâdkam ai karnika yabisa ai uplika nani ra. ¡Dawan ba yamni pali kabia!

Lawana Nani 76:12

Witin bui sika tasba wihtka nani rayaka saki ba, baku mika tasba aiska kingka nani ra sibrin yabisa.

Lawana Nani 95:3

Kan Dawan ba Gâd tara sa, King tara sa, gâd nani sut Gâdka.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 46:18

Yang, king sna ba, bara nini ba Dawan karnika sut brisna, rayaki ni swer takisna: Tabor ilka il nani tilara kau purara ba baku, Carmelo ilka, kabu purara daiwi takan ba baku, waihla aula ba baku sa.

Jirimaya 48:10

(¡Baha uplika Dawan ai warkka daukaia yan ba liliakira daukras ba saura pali kabia! ¡Saura pali kabia baha uplika ra upla iki nani ba tilara dimi ikras ba!)

Jirimaya 48:15

Moab bara tawanka nani sasauhkra ba pat aula; wahmika kau painkira nani ba prubia. King ba kasak aisisa, witin ai nina ba sika Dawan karnika sut bri ba.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Malaquía 1:8

man nani sin lukisma diara saura apia sa daiwan nakra baiwan nani, skahwa nani, sikniskira nani ba yang ra aikaia.” ¡Bahmuna daiwra nani ba tasba wihtka nani ra bri si prisantka yas, witin nani liliakira brih tingki mai wibia sapa!

Malaquía 2:1

“Prîs nani, nanara naha na man nani ra aisisna:

Malaquía 3:9

Âu, man nani nisankam aiska, man nani sut ai implikisma, baha tâwan man nani sut ra lamhtubaisna. Yang, karnika sut alki brisna Dawanka ba, man nani ra mai wisni:

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 5:35

tasba nina mâki sin apia, kan baha purara sika Gâd ai mina kahbi ba; Jerusalem nina mâki sin apia, baha ba King tara tawanka sa bamna.

Mark 14:8

Naha mairka dîa daukaia sip kan ba kat daukan; kau wina, wîni tara na batana kîa ni yukan, tasba ra ai bikaia dukiara.

Luk 12:46

alba dawanka ba balbia bîla kaikras ba piua ra, bara ai dahra walras kabia awarka ra sin; bamna pât tara pali witinka ra yabia, bara lukras kira nani wal baku pât ra lulkan kabia.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

Kli Smalkanka 28:58

“Naha wauhkataya ra ulban na sut man nani daukras kama kaka, bara Dawan Gâdkam nina pranakira ba kulkaia wirhika puramra kahban na kulkras kama kaka,

1 Timoti 6:15

Baha piua ba aimakbia ba ra, Gâd mita naha na daukbia, kan witin baman sika Gâd kumi baman ba, yamnikira bara karnikira, king nani Kingka, bara dawan nani Dawanka ba.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”