Malaquía 1:13 - DAWAN BÎLA AISKA

¹³ Man nani aisisma: ‘¡Naha warkka daukan man swapri!’ Baku bahki ai kulkisma. Ba sut dauki man nani ban lukisma, yang lilia kamna daiwan kum impliki, apia kra bîp skahwa, apia kaka siknis ba yang ra aikaia.

Malaquía 1:13 ပူးပေါင်းရင်းမြစ်များ

2 Samuil 24:24

Sakuna king ba witin ra win: —Lukankam na yamni kaikisna, ban sakuna diara ai mana bri ba sut, yang bui man wina atkras prisant brih, baha dukia ni sakripais dauki Dawan Gâdki ra prisantka dauki yamna apia. Baku natka ra Debit baha watla bara bîpka wainhka nani ba sut, silbar mâ 50 mana atkan,

Aiseya 1:12

Man nani ba yang maiwanra buaia aulma, sakuna, ¿ya man nani ra mamkaban waitla ra bal minam taibaia?

Aiseya 57:6

“Israel, walpa lalalni painkira nani ba ra puram sunaia wilin sma, bahara man hilpkam kulkisma. Baha nani ra wain diaia sakripaiska ba laikram, bara prisantkam nani sin yaram. ¿Baha sut daukram bara man wal âiyapah kamna ki?

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Isikiel 44:31

Prîs nani ba piaia apia sa piawira kumi sin, apia kaka daiwan wala klauna pruan kaka, apia kaka daiwan wail mita pîs ra daukan ba.

Oseas 13:9

Israel, mai sauhki tikaisna, upla kumi sin ai takaskbia apia.

Libait Lâka 22:8

Daiwan mita daiwan wala ikan wîna ba pibia apia, baha tâka witin tâski takaia apia sa. Yang sika Dawan.

Libait Lâka 6:4

pâtkira kulkan kabia saura daukan ba mana. Baha mita baha dukia nani witin impliki brin sapa, apia kaka lâ kat apia dakbi brin kaka, apia kaka diara kum ai uplika witin ra yaban kli yabaia kan ba kli yaras kaka, baha dawanka ra kli yabia sa, upla dukia tiwan kan sakan kaka baha sut sin kli dawanka ra yabia,

Emus 8:5

Man nani lukisma: “¿Kati raya yua liliaka ba ahkia lubia ki, ningkara plawar mâ nani ba atkaia dukiara? ¿Yu matlalkahbi pura kumi wan ris yua ba ahkia lubia ki, ningkara plun auhbi swin ba saki mana tara bara paun ra kasak kunin muni impliki atkaia dukiara?

Miqueas 6:3

Naha na Dawan aisisa: “Upliki nani, ¿man nani mampara yang dîa daukri, diara aihka pali sin mai munri sa ki? ¡Ai wis!

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Malaquía 2:12

¡Baku dauki uplika nani ba, ya ya kabia sin, sakuna Dawan karnika sut alki bri ba ra, sakripais daukaia brih balbia sin, Dawan mita Israel tila wina âpu daukaia kan si!

Malaquía 2:13

Man nani kau diara wala sin daukisma: man nani ini yahwi Dawan altarka ba namkra laya ni banhkisma, prisantkam Dawan ra yabisma witin liliakira briras bamna.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Kli Smalkanka 15:21

Sakuna witin pât kum brisa kaka, mina kum kunhku sa, apia kaka nakra âpu, apia kaka diara kum kau âpu sa kaka, Dawan lamara brih wapara.

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’