Luk 9:5 - DAWAN BÎLA AISKA

⁵ Ani pliska kra wantkam apia takbia kaka, baha tawanka ba wina taks, tasba yuya minam nani ra alkan ba sin siauhbi sâks, baha ba lika witin nani mapara witnis kum baku kabia.

Luk 9:5 ပူးပေါင်းရင်းမြစ်များ

Nihimaya 5:13

Baha aisin ningkara, yang prâika ba singbri, bara wîri: “Naku Gâd mita man nani wamtla ba wina singbi mai sâkbia bara warkkam ba wina sin singbi mai sakan kabia, ani waitnika naha lâka daukaia swer takan ba kulkras kabia kaka, naku singbi diara âpu mai daukbia.” Bara upla sut ba mita win: “Baku kabia.” Bara witin nani Dawan ra mayunan. Bara upla sut dîa aisin ba kat daukan,

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Mark 6:11

Bara ani pliska ra man nani mai briras, bîlam sin walras kaka, baha wina mahka taki was tasba yuya minam ra ba siauhbi saki, baha ba witin nani mapara witnis kum kaia ba dukiara.

Mark 9:37

—Ani uplika, yang nini ra luki nahmuna tuktika kum bribia kaka, yang ai brisa; bara ya yang ai bri ba, yang ra baman lika ai briras, sakuna witinka ai blikan ba ra sin brisa.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 5:14

Bamna Jisas adar yan, naha sturka na upla kumi ra sin wibia apia. Kuna naku win: —Prîs ra wih wînam ba mariks, bara klin takram dukiara prisantka ba yas, Moses lâ yan ba kat. Baku mika upla nani mai kaikbia man rawram ba.

Luk 9:4

Ani ani watla ra wih dimma ba, bahara takasks tawanka ba wina taki waia kat.

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Apastil Nani Sturka 13:51

Bamna apastil nani mita ai mina ra tasba yuya nani alkan ba siauhbi sakan, baha uplika nani mapara witnis kaia ba dukiara. Ningkara witin nani Iconio ra wan.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.