Luk 9:33 - DAWAN BÎLA AISKA

³³ Bamna baha waitnika nani mahka Jisas wina dakwi taki wan ba ra, Pita bila: —¡Smasmalkra, yawan nâra kaia wirâ pain sa! Kaisa utla sirpi yumhpa daukaia: kumi ba man wamtla, wala ba Moses watla, bara yumhpika lika Ilayas watla. Sakuna Pita witin dîa aisi kan ba tânka briras kata.

Luk 9:33 ပူးပေါင်းရင်းမြစ်များ

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 73:28

Sakuna yang lika Dawan lamara wamna, kan baha ba kau pain sa yang maipa ra. Man, Dawan Gâd, man sika yang yukuwaiki aihwa sma ba, bara yang bui man bui diara tara daukram ba aisi kamni.

Matiu 17:14

Witin nani lika upla nani bâra kan ba kat balan ba ra, waitna kum Jisas lamara bal, ai mawan kat ai lula kriki, naku win:

Matiu 17:4

Bara Pita mita Jisas ra win: —Dawan, pain kabia yawan nahara takaskaia. Man want sma kaka, yang utla yumhpa mâkamna, man wamtla kum, Moses watla kum bara wala lika Ilayas watla.

Mark 10:38

Bara Jisas bila witin nani ra: —Dîa makabisma ba man nani tânka briras. ¿Man nani sip sma ki yang dimna kapka ba wina diaia, bara tahbi daukanka brimna ba sin briaia?

Luk 5:5

Saiman pana win: —Smasmalkra, yang nani tihmia aiska wark takri, diara kumi sin alkras; ban sakuna man baku wan wisma bamna, yang tân ba lulkamna.

Luk 9:34

Bahara kau aisi kan ba ra, kasbrika kum bal sut ra madiskan, bara witin baha bilara kan ai dara walan, bara sibrin daukan.

Luk 9:49

Bara Jan bila Jisas ra: —Smasmalkra, yang nani kaikri nahki waitna kum man ninam brih, pirit saura nani kangbi saki kan. Bara yang nani wîri baha takaskbia, kan witin yawan aikuki taukras sa.

Jan 14:8

Bara Pilip bila: —Dawan, Aisa ba wan mariks, baha wal yang nani aitani sna.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.