Luk 9:20 - DAWAN BÎLA AISKA

²⁰ Bara witin baha nani ra makabi walan: —¿Bamna man nani pali, yang na ya sna wisma ki? Pita bila: —Man sika Misaya ba, Gâd wina ba.

Luk 9:20 ပူးပေါင်းရင်းမြစ်များ

Matiu 22:42

Jisas mita witin nani ra makabi walan: —¿Misaya dukiara man nani nahki lukisma? ¿Witin ba ya kiamka sa? Witin nani bila: —Debit kiamka.

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 5:47

Bara muihkam nani ra baman lakula wisma kaka, ¿dîa pain daukisma? Kan Gâd ra kakaira apia nani ba sin baku daukisa.

Mark 14:61

Sakuna Jisas sâp kan, pana diara aisaras kan. Prîs wihtka kli witin ra naku makabi walan: —¿Man ba Misaya sma ki, Gâd yamni pali ba Luhpia?

Mark 8:29

Bara witin nani ra makabi walan: —¿Bara man nani, yang na ya sna ai wisma ki? Bara Pita win: —Man lika Misaya.

Luk 22:67

—Wan wis, ¿man ba Misaya ki? Witin bila: —Yang âu mai wimna kaka sin, man nani kasak ai kulkma apia.

Luk 9:19

Baha nani mita pana win: —Upla kum kum bila man ba Jan Tatahbra wisa, wala nani bila lika man ba Ilayas, bara kau sin wala nani wisa, man ba patitara prapitka nani kum pruan wina buram sa.

Jan 1:41

Andru ai muihni Saiman pliki saki, naku win: —Yang nani Misaya ba sakri (baha tânka lika Kraist).

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 11:27

Marta bila: —Âu, Dawan, yang kasak lukisna man ba Kraist, Gâd Luhpia ba, witinka naha tasba ra balaia kan ba.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 4:29

—Man nani bal kaiks, nahki waitna kum yang dîa daukri ba sut ai win. ¿Naha apia ki Kraist ba?

Jan 4:42

Bamna Sameria uplika nani mita mairin ba ra win: —Nanara yang nani kasak lukisni, man wan wiram ba baman apia, kuna yang nani pali mita witin wina walri bamna; bara yang nani sin tânka brisna, witin ba kasak sa tasba aiska Swaki Sasakrika sa.

Jan 7:41

Wala nani bila: —Naha sika Misaya ba. Sakuna kum kum bila: —¿Nahki Misaya ba Galili wina kabia ki?

Apastil Nani Sturka 17:3

Ulbanka nani tânka ba param aisi kan, Misaya ba pât wahwaia kan, witin pruan wina kli buaia kan ba sin. Bara sin win: —Naha Jisaska dukiara aisisna na sika Misaya ba.

Apastil Nani Sturka 8:36

Witin nani ban impaki lî bâra kan pliska kum ra balan, bara yunok ba bila: —Lî nahara sa, ¿bara aitani kabia apia ki tahbi ai daukaia?

Apastil Nani Sturka 9:22

Sakuna Saulo lika kau karnakira smalki mariki kan, Jisas ba Misaya sa. Ju nani Damaskus ra iwi nani kan ba sut pana sip diara aisaras kan.

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.