Luk 9:11 - DAWAN BÎLA AISKA

¹¹ Sakuna upla nani baha walan ba ra, ai nina blikan; bamna Jisas baha nani ba brih, Gâd kingka lâka dukiara smalkan, sikniskira nani bâra kan ba sut rakan.

Luk 9:11 ပူးပေါင်းရင်းမြစ်များ

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Matiu 12:15

Jisas naha walan ba ra, baha wina mahka wan, bara upla ailal ai nina blikan. Jisas sikniskira nani sut raki kan,

Matiu 14:14

Jisas duri wina takan ba ra, upla ailal bahara kan kaikan, bara witin nani ra umpira kaikan, bara sikniskira nani bri balan ba sut rakan.

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Luk 1:53

Plun dauki uplika nani ra diara pain nani ni banhkan, bara yuyakira nani ba lika mihta bîla baman blikan wan.

Luk 5:31

Jisas pana aisin: —Upla wîna pain nani ba daktar want apia sa, sakuna sikniskira nani lika.

Luk 8:1

Naha ningkara, Jisas tawan tara nani bara tawan sirpi nani ra sin impaki, Gâd Kingka Lâka sturka ba smalki kan. Apastil 12 ba witin yula kahbi tauki kan.

Luk 8:10

Bara witin bila: “Gâd mita man nani ra lika ai kingka lâka diara yukukan nani ba tânka briaia maikan sa; sakuna upla wala nani ra lika maprika ra baman aisisna, witin nani kau kaikbia, bara kau kaikras takbia, bara kau walbia ba ra, kau tânka bribia apia.

Luk 9:10

Apastil nani kli aidrubi balan ba ra, dîa dîa witin nani daukan ba sut Jisas ra maisa pakan, bara witin baha nani brih, plis kum ra aihka saki brih wan tawanka nina ba Betsaida.

Luk 9:12

Yu pat tutni kan ba ra, apastil 12 ba Jisas ra bal, naku win: —Upla nani na yas mahka wabia, witin nani wih ris bribia bara plun sin plikbia tawan sirpi nani ra. Insla nani wan lamara nani na ra lika diara âpu.

Luk 9:2

Witin baha nani ba blikan, Gâd Kingka Lâka sturka ba smalkaia, sikniskira nani sin rakaia.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Apastil Nani Sturka 28:31

Pri pali Pal Gâd kingka lâka ba smalki kan, Dawan Jisas Kraist sturka sin. Bara upla kumi sin witin ra trabil munras kata.

Roman 10:14

Sakuna ¿nahki Dawan nina mâki winbia, witin nani ba witinka ra kasak lukras kan ba? ¿Bara nahki kasak lukbia, witin nani Dawan aisin walras kan ba? ¿Bara nahki Dawan tânka smalkka walbia, witin nani ra smalkaia uplika ba âpu bamna?

Roman 10:17

Baku bamna, kasak lukan lâka aula walan ba tâka wina, bara wali yaba lika Kraist sturka sika.

Roman 15:3

Kan Kraist pali sin ai kupia lâka baman plikras kan; sakuna, Ulbanka dîa aisi ba kat ai mapara takan: “Baha nani mita saura mai wi kan nani ba yang purira kauhan sa.”

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.