Luk 8:25 - DAWAN BÎLA AISKA

²⁵ Bamna witin mita disaipil nani ra naku win: —¿Kasak lukankam lâka ba dîa takan? Sakuna witin nani sibrin takan, tâ sin iwan, bara pana pana tawi makabi wali kata: —¿Naha waitna na ya, kan pâsa bara liura sin adar yan ai bîla wali ba?

Luk 8:25 ပူးပေါင်းရင်းမြစ်များ

Sins Lâka 30:4

¿Yamna kasbrika purara uli wan bara kli bal iwan? ¿Yamna pâsa nani ba ai mihta kruskan ra alki briaia sip ba? ¿Yamna kabu laya nani ba ai watlika ra alki mangkan? ¿Yamna tasba tnata lainka nani sut dutki bapan? ¡Yang ra ai wipara ai nina ba nu sma, bara kau pali ai luhpia nina ba!

Sins Lâka 8:29

witin kabu laya nani ra adar yabi mangkan, lî nani ba ai markka mangkan ba wina luaia apia, witin tasba playka nani ba, bapi mangki kan kata,

Matiu 14:31

Baha pali piua, Jisas mita mihta ra alki, win: —¡Man kasak lukan lâka uya âpu sma! ¿Dîa kan namhpa namhpa lukram?

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 6:30

Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Matiu 8:26

Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.

Mark 4:35

Baha sim yua pat tihmia iwan kan, ai disaipilka nani ra win: —Kaisa yawan lakun baila wala ra luaia.

Luk 12:28

Bamna inma naiwa bâra sa yauhka lika pauta ra lulkuya ba ra Gâd mita baku skahkisa kaka, ¡witin lika man nani ba kau kan mapara mai skahkbia, sip kasak lukras uplika nani sma ba!

Luk 8:24

Bara witin nani wih Jisas ra tatukbi, naku win: —¡Smasmalkra! ¡Smasmalkra! ¡Yawan na rungwisa! Bara Jisas mita pâsa bara rip nani ba ra lawi daukan; bara sâp takan, lamni tara sin balan.

Luk 8:26

Witin nani laki ban Gerasa tasbaya ra balan, baha ba lakun ba baila wala ra sa, Galili mawan tani ra.

Jan 11:40

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?