Luk 7:6 - DAWAN BÎLA AISKA

⁶ Baku kan ba ra, Jisas witin nani wal wan. Sakuna utla lamara aula kan ba ra, kiaptin ba mita ai uplika kum blikan Jisas ra wiaia: “Dawan, trabil takpara, kan yang aitani apia sna man ba waitla ra dimaia;

Luk 7:6 ပူးပေါင်းရင်းမြစ်များ

Blasi Sturka 32:10

Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

Sins Lâka 29:23

Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Mark 5:24

Jisas witin wal wan, sakuna upla ailal ai nina bliki kan, ban sin ailal tutukwi kan.

Luk 5:8

Baku bamna, Pita naha kaikan ba ra, Jisas mawanra ai lula kriki, naku win: —¡Yang wina taks, Dawan, yang na upla kum saura sna bamna!

Luk 7:4

Witin nani ba Jisas lamara bal makabi, win: —Naha kiaptin ra aitani sa hilp munma,

Luk 7:5

kan witin wan nisanka ra latwan kaikisa; baha purkara witin pali ba mita wan priaska watla sin mâki wankan.

Luk 7:7

baha mita yang pali mita sin mai pliki balaia sip apia kapri. Sakuna adar baman yas, bara albiki ba rawbia.

Luk 8:49

Jisas kau aisi kan ba ra, prias watla wihtka ba watla wina upla kum bal Jairus ra naku win: —Luhpiam mairin ba pat pruan; bamna Smasmalkra ra kau trabil munpara.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Jems 4:10

Gâd mawanra mâyara bawi bas, bara witin mita purara mai bukbia.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”