Luk 7:37 - DAWAN BÎLA AISKA

³⁷ Baha tawanka ra mairin kum bâra iwi kan, witinka saurka lâka dadaukra kata. Witin tânka brin Jisas parisi ba watla ra plun piaia wan, bamna witin alabaster batilka kum ra batana laya kîa pain ba brih, bahara wan.

Luk 7:37 ပူးပေါင်းရင်းမြစ်များ

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Luk 19:7

Naha kaiki, upla nani mahka brukwi aisin, Jisas ba upla saurakira watla ra takaskaia wan.

Luk 5:30

Sakuna parisi nani, Lâ Smasmalkra nani ai lukanka kumi bri ba aikuki, Jisas disaipilka nani mapara aisi, naku win: —¿Dîa kan pisma bara disma man nani Rom ra lal mana saki bliki uplika nani aikuki, bara saura dadaukra nani sin?

Luk 5:32

Bamna yang balras upla kasakkira nani ba paiwaia, sakuna upla saurakira nani lika, witin nani ai saurka nani wina ai kupia lakbia dukiara.

Luk 7:34

Ningkara, Upla Luhpia Waitna balan, plun pîsa bara diara sin dîsa, bara man nani wisma plun papira, dadira, upla saurakira nani lal mana saki Rom ra bliki nani pânika.

Luk 7:36

Baha piua nani ra parisi kum Jisas ra paiwan plun piaia, bamna witin parisi ba watla ra dimi, mahka tibil ra iwan.

Jan 11:2

Naha Meri ba sika Lasarus siknis ba lakrika kata, bara witin mita sika Jisas mina ra batana kîa pain ni yukan, bara ai tâwa ni sin dikata ba.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

1 Timoti 1:15

Naha aisanka na lika kasak pali sa, bara upla sut kasak lukaia sa: Kraist Jisas ba naha tasba ra balan upla saurakira nani swaki sakaia, bara yang sika baha nani sut tila wina kau saura kapri ba.

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

1 Pita 4:18

Bara upla yamni nani ba ban baku pât pali wina swaki sakras kaka, ¿lukras nani bara saura dadaukra nani mapara nahki kabia ki?