Luk 7:24 - DAWAN BÎLA AISKA

²⁴ Jan blikan uplika nani ba mahka wan piua ra, Jisas mita Jan dukiara upla nani ra naku aisi, win: “¿Man nani dîa kaikaia twi ra waram? ¿Yauhrus dusa kumi pâsa mita wauhi ba?

Luk 7:24 ပူးပေါင်းရင်းမြစ်များ

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

Luk 1:80

Baku kan ba ra, tukta ba pâwi karna sin taki kan, ai wîna tara mapa ra, ai spiritka mapa ra sin. Witin lika upla iwras tasbaya ra takaski kan, Israel luhpia nani ra param takan piua ba kat.

Luk 3:2

Anás wih Keyapas wal lika prîs tara aimaki kan. Baha sim piua nani ra Sakaraya luhpia Jan lika upla iwras tasbaya ra kan, bara Gâd bui bîla smalkanka kum yan.

Luk 7:23

¡Bamna yamni pali sa, baha nani yang ra ai mina pruki kauhras ba!

Luk 7:25

¿Apia kaka, dîa kaikaia waram? ¿Waitna kumi kwala painkira baman dimi ba? Man nani kaiki tânka brisma, kwala pain baman dimi bara ai liliaka ra iwi nani ba lika king nani watla ra iwisa.

Jan 1:23

Jan pana win: —Yang sika upla iwras tasbaya ra bîla baikra kum wini ba: “Dawan kainara yabal wapni kum dauks”, prapit Aiseya aisin ba baku.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

2 Pita 3:17

Baha mita, muihki laitwankira nani, man nani naha diara nani na tânka kaina piua wina pat kaikisma, bamna aman kaiks, upla saurakira nani mita yarka kunin mai muni pain buisma ba wina mai batakbiara.