Luk 7:12 - DAWAN BÎLA AISKA

¹² Tawan ba lamara wan bara kaikan upla dakni kum pruan kum bikaia brih auya kan, baha ba piarka mairin kum luhpa waitna kumi baman pali bri kan ba. Tawan ba wina upla ailal witin yula kahbi kata.

Luk 7:12 ပူးပေါင်းရင်းမြစ်များ

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

Blasi Sturka 22:2

Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.

2 Samuil 14:7

Bara nanara taiya nani sut maipara buisa, witin nani brin daukisa ai muihni ikan ba ra, luhpia ba witin nani mihta ra mangkamna wisa, bara witin nani bui sin pana munaia, baku prapatika dawanka takaia kumi ba sin ikaia. Bara baku kau masku kum takaski kan aswi ba baha sin daskbia ba ra, mayi kiamka kumi sin tasba purara swibia apia, witin ba yang nini brih waia dukiara.

1 King Nani 17:12

Bara piarka mairin ba pana win: —Yang swer takisna Dawan Gâdkam ai kaikisa, yang brit angkan âpu, sumi bilara plawar wiria lupia baman brisna, bara batana laya sin wiria lupia sumi ra brisna, bara nanara pauta pîs wirâ wahbi kapri baha wih piakaia dukiara, yang duki bara luhpi dukiara sin. Baha ba pih ningkara, plun bla prui banhwamna.

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

1 King Nani 17:23

Ilayas mahka tukta ba brih, ai rumka ba wina mâyara iwi wih, ai yaptika ra yaban bara Ilayas win: —¡Kaiks, man luhpiam ba raya sa!

1 King Nani 17:9

“Man bus, bara was Sarepta ra Sidón tasbaya ra; bara man bahara takaski bas, yang bahara piarka mairin ra wîri sa, man ra plun mai dakaki kaia.”

2 King Nani 4:16

Bara Ilaidsa win: —Naha mani aula ba yua ra naha sim piua ra, klamhkla ra luhpa kum bri kama. Bara mairin ba mita win: —Apia, dawanki, Gâd waitnika bui albikam mairin ra kunin munpara.

2 King Nani 4:20

Bara witin ba brih balan ai yaptika ra, bara witin iwi tukta ba ai plahpia ra bri kan yu wan lal kat. Bamna tukta ba pruan.

Job 29:13

Pât ra kan uplika ba tingki ai wi kata, yang tâ baikanki ba piarka nani mapa ra liliaka kum kata.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Luk 7:11

Naha ningkara, Jisas tawan kumi nina Nein wi ba ra auya kan, bara ai disaipilka nani, upla ailal sin ai yula kahbi kata.

Luk 7:13

Dawan baha kaikan ba ra, piarka mairin ba dukiara ai kupia swapni takan, bara naku win: —Inpara.

Luk 8:42

ai luhpia mairin unhsak bara mani 12 bri kan ba prui kan bamna. Jisas auya kan, upla ailal ai nina blikan bara ban sin taibi kata.

Luk 8:52

Upla sut bâra kan ba pura mata ini yahwi kan. Sakuna Jisas bila: —Man nani inpara; tuktan mairin na pruras, witin yapisa.

Jan 11:19

Ju nani ailal aidrubi balan kata, Marta bara Meri wal ra maisa nihkaia, ai lakrika Lasarus pruan ba dukiara.

Apastil Nani Sturka 9:39

Bara Pita witin nani aikuki wan. Witin balan ba ra, brih wan wîna tara tnikan ba rumka kat. Piarka nani sut witin ra bal ai tnaya ra kir bûi, ini mariki kan prâk nani, kwala wala nani sin Dorcas mita kau raya kan piua ra sipan nani ba.

Apastil Nani Sturka 9:41

Pita bui mairka ba mihta ra alki bukan; ningkara lalukra nani bara piarka nani ba sut paiwan balan, witin nani ra marikan Tabitá ba kli rawan sa.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.