Luk 6:48 - DAWAN BÎLA AISKA

⁴⁸ baha ba lika waitna kumi ai watla mâkan baku sa, witinka ai watla playa ba kasak pakni salhkan bara walpa purara bapan. Lisamra ba dingkan, lî ba baha watla ra karna prukan, sakuna sip batakras kan, ai watla playa ba walpa ra kasak bapan kata bamna.

Luk 6:48 ပူးပေါင်းရင်းမြစ်များ

2 Samuil 22:2

Naku win: “Dawan, man sika yang kaini kakahbra, yang yukuwaiki watla, pri ai sasakra,

2 Samuil 22:32

¿Ya ba Gâd sa, Dawan wina tnaya ra? ¿Dîa gâd wala bâra sa ki wan kan kahbaia?

2 Samuil 22:47

“¡Dawan raya ban kabia! ¡Yang kaini kakahbra ba yamni pali sa! ¡Gâd nina ba purara ban kabia, swaki ai saki kaini kahbi ba!

2 Samuil 22:5

“Prura ai ripka nani tilara ai blakan; sibrin ai daukan sauhki tatikra nani karnika ba wina.

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

Lawana Nani 32:6

Baha mita sari tara aula ba piua ra, kasakkira nani ba man ra ai pura sunbia, lisamra tara nani balbia sin, witin nani ra alkbia apia.

Lawana Nani 62:2

Witin baman swaki ai sakisa bara kaini kahbisa. Yang kauhamna apia, kan witin ba yukuwaiki sa.

Lawana Nani 95:1

Man nani sut bal, liliakira Dawan ra aiwanpi; aiwanpi wan kan kakahbra, bara wan Swaki Sasakra ra.

Sins Lâka 10:25

Prari ba lui auya ba ra watawikira ba lap tiwisa, sakuna kasakkira nani lika, ban kaia ra ban bâra sa.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 59:19

Tasba aiska ra, lalma wina muna kat, Dawan ra kulkanka yabia, ai kingka tara kaikbia ba ra, kan witin balbia sim lî aubra kum lisamra dingkan baku pâsa karnikira kum mita plis wala ra lakan kabia.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Luk 6:47

Man nani ra mai wimna, baha nani yang ra aula bara bîli sin wali dauki ba ya wal baku sa:

Luk 6:49

Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.

Kli Smalkanka 32:31

“Wan waihla nani pain ai dahra walisa ai kan kakahbra ba yawan bri ba wal sip prakras.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

2 Pita 1:10

Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!