Luk 6:42 - DAWAN BÎLA AISKA

⁴² Bara man tânkam briras sma kaka namkra ra dus tara brisma ba, ¿nahki sip kama muihkam ra wiaia: ‘Muihki, ai swis namkra ra diara yuya ba sakamna’? ¡Kuninkira! Namkra ra dus tara ba pas sâks, bara baku lika sip kama pain kaikaia, bara muihkam nakra ra diara yuya sirpi bâra ba sakaia.

Luk 6:42 ပူးပေါင်းရင်းမြစ်များ

Sins Lâka 18:17

Ya pas ai tâwan aisi uplika ba kasakkira baku sa; sakuna witin ai mapara aisi uplika ba aula ba bara param sakuya.

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Matiu 7:3

Muihkam nakra ra tâski lupia ba kaikaia sip sma ba, ¿dîa kan man namkra ra dus playa kum bâra ba sip kaikras sma?

Matiu 7:4

Bara man namkra pali ra dus playa kum brisma ba, ¿nahki man muihkam ra wiaia sip kama: ‘Aik namkra wina tâski lupia ba sakamna’?

Luk 13:15

Bara Dawan bila: —Kuninkira nani, ¿man nani ris yua ra bîpkam, birikukam sapa lanhki lî dakakaia brih waras sma ki?

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Luk 6:41

“¿Dîa kan man muihkam nakra ra diara tâski yuya ba kaikisma, sakuna man namkra ra dus tara bâra ba lika sip kaikras sma?

Luk 6:43

“Dus yamni kumi sin âpu sa mâ saura sakaia sip ba; dus saura kumi sin âpu sa ai mâ pain sakaia sip ba.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 8:21

Yang nani warkki na tilara, man dukiam briaia wiria sin âpu sa, kan man kupiam ba Gâd tani ra kasak apia sma bamna.

Roman 2:1

Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

2 Korint 5:18

Naha diara sut na Gâd mita daukisa, witin mita Kraist bâk witin wal kupia kumi wan daukan ba, bara adar wankan sa upla sut ba yang nani mita witin wal kupia kumi daukaia.

2 Timoti 2:21

Bâk sakan ra yus munaia dukia ba, Dawan mapa ra diara pain bara sunu kaia sa, yawan nani kumi bani ba klin kaia sa, saurka sut wina; baku lika diara pain baku ridi kabia wark yamni sut ra.

2 Pita 1:9

Sakuna ya baha diara nani âpu ba, sim blain kum baku sa, apia kaka, diara ai lama kat baman kaiki ba wal kumi sa; ai âuya tiwan sa, piua luan ra saurka daukan ba wina klin sakan ba.