Luk 6:29 - DAWAN BÎLA AISKA

²⁹ Ya kra mita mamwan tanhtika kumi ra mai prukbia kaka, mawan tanhtika wala ba sin laki yas mai prukbia; ya kra mita prâmka pura tani ba mihtam dakbi brih wabia kaka, prâmka pali ba sin yas brih wabia.

Luk 6:29 ပူးပေါင်းရင်းမြစ်များ

2 Samuil 19:30

Sakuna Mefi-bóset pana witin ra win: —Witin baha sut bribia. Yang maipara diara tara ba sika king ba kli yamni pain ai watla ra tawi balan ba.

2 Kronikas 18:23

Bamna Sedequías, Quenaaná luhpia ba, Micaías lamara bal mawan ra pruki, naku win: —¿Dawan spiritka ba yang wina taki anik wata ki, baku man ra aisaia?

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Inanka Nani 3:30

ai mawan taya ba yabaia sa witin ra prukbia uplika ra, bara swira daukanka lâka manis sin briaia sa.

Miqueas 5:1

Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Luk 22:64

Nakra nani sin praki, makabi walan: —¡Ai wis ya mita mai prukan!

Luk 6:30

Upla mita dîa mamkabia ba, yas; upla mita dukiam mihtam dakbia kaka, kli maikbia makapara.

Jan 18:22

Jisas naha aisin ba ra, tempel ra aihwawakra kum bâra kan ba mita, witin mawan kat pruki, win: —¿Man baku pali prîs tara ra aisisma?

Apastil Nani Sturka 23:2

Bamna Ananías, prîs nani sut wihtka ba, Pal lamara bûi kan uplika nani ra adar yan, witin ba lika ai bîla kat prukbia.

1 Korint 4:11

Naiwa yua pali kat plun wahwi banhwisna, din wan daukisa, bara kwala sin âpu banhwisna, upla nani rau wan sauhkisa, yang nani waitla pali âpu,

1 Korint 6:7

Kasak pali sa, man nani pana pana walkam nani aikuki unsaban brisma ba latan marikisa ba ra, aiska pali kauhram sa. ¿Kau pain kabia apia, yarka watawi mai munaia ba? ¿Kau pain kabia apia, yarka mai impliki banhbia ba?

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

Hibru Nani 10:34

Man nani silak watla ra nani kan ba ra umpira kaikram, bara dukiam nani mihtam dakbi kan ba ra sin liliakira kiki kapram, kan kaiki kapram man nani ba kasbrika purara diara kau pain kum brisma, bara baha ba ban kaia ra bâra ban sa.