Luk 6:20 - DAWAN BÎLA AISKA

²⁰ Jisas ai disaipilka nani ra kaiki, win: “Man nani umpira nani, liliam bas, kan Gâd king aimaki lâka ba, man nani ra maikan kabia.

Luk 6:20 ပူးပေါင်းရင်းမြစ်များ

Lawana Nani 37:16

Kasakkira diara wiria bri ba, kanra yamni sa, upla watawikira yuya ailal bri ba wal.

Sins Lâka 16:19

Kanra yamni sa, umpira nani aikuki bawan lâka bri kaia ba wihki yuyakira takaia, prautkira nani wal.

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 5:1

Jisas lika upla ailal ba kaiki, il kum purara uli bâra iwan. Bara ai disaipilka nani ai lamara kir bal asla taki,

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Luk 13:28

Baha piua ra Ebraham, Aisak, Jekob bara prapit nani sut Gâd king aimaki tasbaya ra kabia ba kaikma ba ra, sakuna man nani lika latara mai lulkan kabia, bara bahara ini ban man kama, nampa nani sin arkbi kama.

Luk 14:15

Naha walan ba ra, baha nani tibil ra iwi kan ba wina kum mita Jisas ra win: —¡Lilia pali sa ani uplika Gâd king aimaki tasbaya ra brit pibia ba!

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

2 Korint 8:2

Witin nani trabil manis brin ba mita tânka ba pliki pain kaikan sa, bara baha nani lilia pali sa. Witin nani umpira pali sa, sakuna ai prisantka ai kupia aiska ni diara hilp munan yuyakira kan baku.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

2 Tesalonaika 1:5

Naha na marikisa, Gâd ba lâ kasak kat dauki ba tânka, kan man nani ba aitani mai kulki mai brisa, Gâd King aimaki ba lâka ra dimaia, bara baha tâwan sika pât wahwi banhwisma ba.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.