Luk 6:13 - DAWAN BÎLA AISKA

¹³ Yu baiwan ba ra, witin ai disaipilka nani ba paiwi, 12 nani ba wahbi saki, apastil nani mâkan.

Luk 6:13 ပူးပေါင်းရင်းမြစ်များ

Matiu 10:2

Naha sika apastil 12 ba nina: Pas ba Saiman, ai nina wala Pita, bara ai muihni Andru; Jems ai muihnika Jan wal, witinka nani Sebedi luhpia;

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 6:30

Baha wina apastil nani Jisas wal asla taki, dîa dîa daukan ba sut win, diara nani smalkan ba sin.

Mark 6:7

Bara disaipil nani 12 ba wini, baha nani ba wâl wâl ra blikan, bara pirit saura nani kangbi sakaia karnika sin yan.

Luk 11:49

“Baha mita, Gâd ai sinska lâka tara ba wal naku wisata: ‘Yang bui witin nani ra prapit nani bara apastil nani sin blikamna, sakuna baha nani wina tila kum kum ba ikbia, bara wala nani ra lika bliki rausauhkbia.’

Luk 22:30

Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

Luk 6:14

Baha nani sika: Saiman, nina wala Pita mâki ba; Saiman muihnika Andru ba; Jems bara Jan, Pilip bara Bartolomiu;

Jan 4:33

Bamna disaipil nani ba pana pana tawi makabi wali kan: —¿Upla kum mita witin ra plun piaia sal yan ki?

Apastil Nani Sturka 1:13

Witin nani Jerusalem ra balan ba ra, utla kum purara rum kum ra uli wih dimi takaskan. Witin nani aikuki bâra kan ba sika, Pita, Jan, Jems, Andru, Pilip, Tamas, Bartolomiu, Matiu, Alfeo luhpia Jems ba, Saiman karna Mamunra ba, bara Jems luhpia Judas ba sin.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

Param Marikanka 12:1

Bara kasbrika purara sain tara kum takan: mairin kumi wan yu lapta ba ni kwala baku dingkan kan, bara kati ba ai mina nani munhtara bri kan, ai lal purara sin kraun kum slilma 12 ni daukan.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 21:14

Tawanka walpaya kutbanka ba walpa 12 purara bapan kan, bara baha nani purara Sîp Luhpia apastil 12 nani nina ba ulban kata.