Luk 5:35 - DAWAN BÎLA AISKA

³⁵ Sakuna piua balbia, marit waitna ba witin nani wina dakbi sakan kabia; baha piua ra lika witin nani Gâd ra luki plun piras kabia.

Luk 5:35 ပူးပေါင်းရင်းမြစ်များ

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Matiu 9:15

Jisas bila: —¿Marit pata ra paiwan uplika nani ba sip sa ki sari briaia, marit takan waitnika ba kau witin nani aikuki ba ra? Sakuna piua kum balbia, bara marit takan waitnika ba witin nani wina dakbi sakan kabia; bâra mika witin nani plun pibia apia.

Mark 2:20

Sakuna piu kum balbia ba ra, marit waitna ba witin nani wina sakan kabia. Ba kat lika witin nani plun wauhbia.

Luk 17:22

Bamna ai disaipilka nani ra win: —Yua nani balbia ba ra, man nani want pali kama, Upla Luhpia Waitna piua kum, apia kaka wiria pan kaikaia, sakuna sip kaikma apia.

Luk 5:34

Jisas pana win: —¿Man nani sip sma ki, marit pata ra paiwan nani ba yarka plun wahwaia, marit takan waitnika ba kau witin nani wal asla sa ba ra?

Luk 5:36

Jisas naha maprika sturka sin baha nani ra win: —Upla âpu sa, prâk raya wina pîs klaki prâk almuk ra pîs mangkaia. Baku daukbia kaka, prâk raya ba tiwbia; baha purkara, baha pîska raya ba prâk almuk wal pain kabia apia.

Jan 12:8

Piu bani upla umpira nani ba tilamra bri kama, sakuna yang lika piu bani ban ai bri kama apia.

Jan 13:33

Luhpi lupia nani, kau piua wihka lika man nani wal kamna apia. Man nani ai plikma, sakuna Ju nani ra wîri ba baku, nanara man nani ra sin mai wisni: Yang auna pliska ra man nani sip wama apia.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

1 Korint 7:5

Baha ba mita, pana pana wal prawaia apia wipara, ban kra pura sunra warkka daukaia dukiara wal lâ daukma piu wiria wal asla prawaia apia. Baha ningkara, kli asla prawi banhwaia sma, wînam tara nani sip alki takaskras sma ba mita, Sitan mita kra traikam kaikbiara sîa.

2 Korint 11:27

Wark manis bri kapri bara trabil nani sin; aima ailal pain yapras kapri; plun kasak wauhri bara lî din sin ai dauki kan; aima ailal plun piras kapri; kauhla kasak wauhri, kwala âpu pâtka sin briri.