Luk 5:30 - DAWAN BÎLA AISKA

³⁰ Sakuna parisi nani, Lâ Smasmalkra nani ai lukanka kumi bri ba aikuki, Jisas disaipilka nani mapara aisi, naku win: —¿Dîa kan pisma bara disma man nani Rom ra lal mana saki bliki uplika nani aikuki, bara saura dadaukra nani sin?

Luk 5:30 ပူးပေါင်းရင်းမြစ်များ

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Matiu 5:46

Man nani ra latwan mai kaiki nani ra baman latwan kaikisma kaka, ¿baha mana dîa prisantka brima ki? Lal mana sasakra nani sin baku daukisa.

Matiu 9:11

Sakuna parisi nani baha kaiki, disaipil nani ra makabi walan: —¿Nahki kan smasmalkrikam ba, lal mana wawahbra nani bara saura dadaukra nani aikuki sin plun pîsa?

Mark 2:16

Sakuna Lâ Smasmalkra nani, parisi nani sin kaikan Jisas baha nani wal plun pi kan, bara disaipil nani ra makabi walan: —¿Nahki kan smasmalkrikam ba lal mana saki nani, upla saurakira nani wal sin iwi plun pîsa?

Mark 7:3

(Kan parisi nani bara Ju nani sut ai damika nani lâka ba nina bliki kan, baha lika ai mihta nani aima manis sikbras kaka, plun piras.

Mark 9:16

Bara Jisas mita makabi walan: —¿Dîa dukiara witin nani wal blahwisma?

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 19:7

Naha kaiki, upla nani mahka brukwi aisin, Jisas ba upla saurakira watla ra takaskaia wan.

Luk 5:17

Yu kumi Jisas bui upla smalki kan. Bahara iwi kan parisi nani bara Lâ Smasmalkra nani ba sin; witin nani Galili tawanka sirpi bani wina, Judia wina bara Jerusalem wina sin balan kan. Baha sim piua ra, Gâd karnika ba mariki kan Jisas mita, upla siknis nani ba raki.

Luk 5:21

Baku bamna, Lâ Smasmalkra nani bara parisi nani sin mahka ai kupia wal aisi luki kan: “¿Naha na ya, Gâd mapara witin naku saura aisi na? Upla âpu sa wan saurka swih tikaia, Gâd baman lika.”

Luk 7:34

Ningkara, Upla Luhpia Waitna balan, plun pîsa bara diara sin dîsa, bara man nani wisma plun papira, dadira, upla saurakira nani lal mana saki Rom ra bliki nani pânika.

Luk 7:39

Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

Apastil Nani Sturka 23:9

Sut ba wini banhwi kan; bamna parisi daknika tila ba wina Lâ Smasmalkra tila nani sin buan, bara win: —Naha waitnika na diara saura kumi sin daukras, ban kra spirit kum, apia kaka insal kum sapa witin ra aisin.