Luk 5:24 - DAWAN BÎLA AISKA

²⁴ Bamna, man nani ra pain mamrikaisna, Upla Luhpia Waitna naha tasba ra saurka nani swih tikaia karnika brisna. Bamna wakia lâwan waitnika ra win: —Man ra mai wisna, bus, krikrikam lupia ba bris, bara wamtla ra mahka was.

Luk 5:24 ပူးပေါင်းရင်းမြစ်များ

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Matiu 16:13

Jisas ba Sesaria Pilipai tasbaya ra balan ba ra, ai disaipilka nani ra makabi walan: —¿Yang, Upla Luhpia Waitna na, upla nani ya sna ai wisa?

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Matiu 26:64

Jisas pana witin ra win: —Man baku aisaram. Bara yang sin man nani ra mai wisna, Upla Luhpia Waitna ba Gâd, Karnika sut bri ba mihta aihkika ra iwi kasbrika purara wina aula kaikma.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Matiu 9:6

Bamna, yang bui man nani ra mamrikamna Upla Luhpia Waitna naha tasba ra upla saurka nani swih tikaia karnika brisa. Baku ba ra, wakia lâwan waitnika ra win: —Bus, krikrikam bris, bara wamtla ra mahka was.

Luk 5:13

Baku bamna, Jisas ai mihta ni kangbi, win: —Yang want sna, bamna mai rakuna. Naha aisin ba ra, lipar sikniska ba witin wina takan.

Luk 5:18

Baku kan ba ra, waitna tila nani mita, twilkaia krikrika lupia kum ra, wakia lâwan waitnika kum twilki brih balan; witin nani want kan waitna ba utla ra dingki Jisas mawanra mangkaia.

Luk 5:23

¿Ani ba kau isi sa wiaia: ‘Man saurkam nani ba swih tikan sa’, apia kaka: ‘Man bus, bara mahka waps’?

Luk 7:14

Ba ningkara krikrika lamara wih ai mihta ni kangban, bara twilki kan uplika nani ba takaskan. Bamna Jisas pruan uplika ra naku win: —Wahma, yang mai wisna: ¡Bus!

Luk 8:54

Bara Jisas tukta mairin mihta ra alki, ai bîla baikra tara ni win: —¡Tukta mairin, bus!

Jan 11:43

Naha aisin ba ningkara, ai bîla baikra tara ni winan: —¡Lasarus, baha wina bal taks!

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 5:27

bara lâ aisi daukaia karnika sin yan, kan witin sika upla takan ba.

Apastil Nani Sturka 14:10

Bara ai bîla baikra karna wini, win: —¡Man minam ra wapni bus! Bara waitnika kata ba pâli tit bûi, mahka wapan.

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

Apastil Nani Sturka 9:34

Bara Pita bila: —Eneas, Jisas Kraist mai rakuya. Bûi muni, krikrikam ba pain dauks. Baha pali piua ra Eneas mahka buan.

Apastil Nani Sturka 9:40

Ningkara, Pita win baha nani sut ba latara takbia, bara witin ai lula kriki ai pura sunan. Mairka pruan ba kat kaiki, naku win: —¡Tabitá, man mahka bus! Bamna mairka ba ai nakra ilingki Pita ra tawi kaikan, bara mahka bûi iwan.

Param Marikanka 1:13

Baha kiandil bapaika nani 7 ba lilapas diara kum kum kaikri; mawan ba upla mawan talia kan, witin kwala kum dimi kan ba yari ai mina kat kan, bara gul ni ai maisa wila kum bri ban ba ai lama dusa kat kan.