Luk 4:16 - DAWAN BÎLA AISKA

¹⁶ Jisas Nasaret ra wan; baha tawanka ra sika witin pâwan ba. Ris yua ra ai natka kan ba baku, Ju nani priaska watla ra wih diman, bara ai mina ra buan Ulbanka nani wina aisi kaikaia.

Luk 4:16 ပူးပေါင်းရင်းမြစ်များ

Matiu 2:23

Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Luk 2:39

Dawan lâka ra dîa mangkan ba sut dauki tnata alkan ba ra, witin nani ai tawanka pali Nasaret ra balan, baha ba Galili tawanka ra sa.

Luk 2:42

Jisas mani 12 alkan, ai aisika ai yaptika wal Jerusalem ra wan piua tara ba luaia, witin nani ai natka kan ba baku.

Luk 2:51

Bara witin nani aikuki Nasaret ra wan, piua bani sin witin nani bîla wali dauki kata. Ai yaptika lika diara nani sut ba ai kupia ra mangki bri kan.

Luk 4:15

Smalki kan prias dauki pliska bani ra, bara upla sut mita sin mayuni kan.

Luk 4:17

Prapit Aiseya wauhkataya ba witin ra yan. Witin aisi kaikaia wisi kwâkan ba naku ulban kata:

Luk 4:21

Baku bamna, witin mahka aisi, naku win: —Naiwa piua pali naha Ulbanka ba aimakan sa, man nani mamwanra.

Luk 4:23

Jisas baha nani ra win: —Kasak pali mai wisna, man nani naha maprika sturka na ai wima: ‘Daktar, man sikniskam ba wina raws.’ Bara sin ai wima: ‘Kapernaum ra daukram tânka yang nani walri ba, naha man pali tasbayam ra sin dauks.’

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Apastil Nani Sturka 17:2

Pal ai natka kan ba baku, witin Ju nani priaska watla ra wih diman. Wik yumhpa bahara takaskan bara ris yua bani baha uplika nani wal aisi kan.