Luk 24:50 - DAWAN BÎLA AISKA

⁵⁰ Bamna Jisas mita baha nani ba tawan ba wina brih taki wan Betania kat, bara witin ai mihta nani buki, witin nani ra yamni munan.

Luk 24:50 ပူးပေါင်းရင်းမြစ်များ

Blasi Sturka 27:4

Bara wîna pilala auhni kum yang pin ai dauki ba baku dauki bri balma, yang baha pimni bara yang kau pruras sna ba ra yang yamniki ba maikamna.

Blasi Sturka 48:9

Josep witin ra win: —Yang luhpi waitna nani, naha Idsip tasbaya ra briri ba, Gâd wina aikan ba. Bara ai aisika pana witin ra win: —Pliskam witin nani ba laimara bri bal, bara yamniki nani ba witin nani ra yabamna.

Blasi Sturka 49:28

Naha waitnika nani na sika Israel luhpia, kiamka 12 nani ba. Bara witin nani kumi bani ba, dîa ai yamnika ai aisika wina briaia kan ba, baha bîla nani aisin ba tânka ba kat kumi bani ra yamnika ba yaban.

Libait Lâka 9:22

Upla nani saura daukan sakripaiska ba, Eran daukan, baku sin aiska angkaia sakripaiska ba. Bara kli wal uplika takaia sakripaiska ba sut daukan ba ningkara, ai mihta nani purara bukan, Israel luhpia nani ra Dawan yamnika ba yan, bara mahka wan.

Matiu 21:17

Bara Jisas baha nani swi si, tawan ba wina taki, Betania ra wih, baha ra tihmia luan.

Mark 10:16

Bara tuktan nani ba ai klahkla ra buki, ai mihta nani purara kahbi, yamni munan.

Mark 11:1

Bara witin nani Jerusalem lamara wan ba ra, Betfagé bara Betania tawanka lamara, Olivet ilka lamara, Jisas mita ai disaipilka wâl blikan,

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Apastil Nani Sturka 1:12

Bara apastil nani sut Olivet ilka ba wina kli Jerusalem ra tawi balan. Baha ilka ba Jerusalem wal baila pali kata, baha prais sika ris yua ra wapaia aitani kulkan ba.

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

Jasua 22:6

Naha ningkara, Jasua upla nani ra yamni munan bara lakula daukan ningkara upla nani ba ai tintka watla ra wan.