Luk 24:39 - DAWAN BÎLA AISKA

³⁹ Kaiks mihti nani na bara mini nani sin. Yang pali sna. Mihtam ni ai alki ai kaiks: spirit kum lika wîna tara bara dusa nani sin briras, man nani kaikisma yang brisna ba baku.

Luk 24:39 ပူးပေါင်းရင်းမြစ်များ

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Luk 23:46

Bara Jisas ai bîla baikra tara winan: —¡Aisa, spiritki na man mihtam ra mangkisna! Naha aisin ningkara, witin pruan.

Luk 24:38

Sakuna Jisas win: —¿Dîa kan man nani tâ iwan takram, bara dîa muni man nani kupiam ra namhpa namhpa baman lukisma ki?

Luk 24:40

Naha aisin ba ra, ai mihta nani bara ai mina nani sin marikan.

Jan 20:20

Naha aisin ningkara, ai mihta nani bara ai tnaya mina sin baha nani ra marikan. Disaipil nani lika Dawan kaikan ba ra, lilia pali takan.

Jan 20:25

Bamna ningkara, disaipil wala nani ba mita Tamas ra win: —Yang nani lika Dawan ba kaikri. Sakuna Tamas bila: —Witin ai mihta nani ra silak ni saban untika nani ra bara tnaya mina untika ba ra mihti sirpika ni dingki kaikras sna kaka, yang sip kasak lukamna apia.

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Apastil Nani Sturka 1:3

Jisas pruan wina buan ningkara, yu 40 witin apastil nani ra ai wîna param taki kan. Sain nani wal mariki kata nahki witin ba raya sa, bara Gâd king aimaki ba lâka dukiara sin aisi kan.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.