Luk 24:19 - DAWAN BÎLA AISKA

¹⁹ Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Luk 24:19 ပူးပေါင်းရင်းမြစ်များ

Matiu 21:11

Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Luk 24:18

Witin nani wina kumi, nina Cleofás mâki ba bila: —Tasba aiska ba kaikan naha piua nani ra dîa Jerusalem ra takan ba. ¿Man baman dîa upla tringsar kum bahara takaski katma ki, naha diara takan na tânka briras?

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 4:19

Naha walan ba ra, mairin ba bila: —Mâsa, yang kaikisni man na prapit kum sma.

Jan 6:14

Bamna upla nani ba Jisas naha sainka aihka pali daukan kaiki, naku win: —Kasak pali, naha sika prapit tasba ra balaia kan ba.

Jan 7:52

Bara witin nani mita pana win: —¿Man sin Galili wina sma ki? Ulbanka ba pain aisi kaiks, Galili ba wina prapit kum sin kau taki balras sa. [

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.