Luk 23:46 - DAWAN BÎLA AISKA

⁴⁶ Bara Jisas ai bîla baikra tara winan: —¡Aisa, spiritki na man mihtam ra mangkisna! Naha aisin ningkara, witin pruan.

Luk 23:46 ပူးပေါင်းရင်းမြစ်များ

Lawana Nani 31:5

Man mihtam kat yang spiritki mangkisni; ¡Dawan, Gâd kasakkam tânka kat swaki ai sâks!

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Jan 19:30

Jisas baha wain swahwan ba din ningkara, witin bila: —Diara sut ba daukan sa. Baha ningkara Jisas ai lal makupan, bara pruan.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.