Luk 23:4 - DAWAN BÎLA AISKA

⁴ Bamna Pailat prîs tara nani ra bara upla sut ra sin win: —Yang naha waitnika na ra pât kumi sin sakras pali.

Luk 23:4 ပူးပေါင်းရင်းမြစ်များ

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Mark 15:14

Bara Pailat witin nani ra win: —¿Bamna witin dîa saura daukan ki? Sakuna witin nani kli ai bîla baikra tara winan: —¡Witin ba dus prihni ra sas!

Luk 23:22

Naha kira aima yumhpa Pailat mita win: —¿Bamna dîa saura daukan sa ki? Pruaia pâtka kumi sin witin ra yang sakras sni. Yang wipamni ningkara, pri sakamna.

Jan 18:38

Pailat pana win: —¿Bamna diara kasak ba dîa? Naha makabi walan ningkara, Pailat kli taki Ju nani ra wih, naku win: —Naha waitnika wîna ra watawanka kumi sin yang sakras pali.

Apastil Nani Sturka 25:25

Sakuna yang kaikisna witin pruaia pâtka briaia diara kumi sin daukras sa. Sakuna witin makaban Rom ra king tara ba mita ai lâka ba daukbia, bamna yang wilin takri sa witin na king tara ra blikaia.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.

1 Pita 2:22

Kraist ba saurka kumi sin daukras; upla kumi ra sin kunin munras kan.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.