Luk 23:14 - DAWAN BÎLA AISKA

¹⁴ naku win: —Man nani naha waitnika bri balram ba ra, ai wiram nahki witin mita upla nani kupia warbi munisa, bamna yang bui man nani mamwanra makabi walri, kuna kaikram yang bui witin swakwanka kumi sin sakras, man nani dahra kwahki aisisma ba.

Luk 23:14 ပူးပေါင်းရင်းမြစ်များ

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Matiu 27:24

Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Apastil Nani Sturka 13:28

Witin ba ikaia pâtka diara kumi sin sakras kan, sakuna witin nani ban Pailat ra makaban witin ba ikaia.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.