Luk 22:41 - DAWAN BÎLA AISKA

⁴¹ Ningkara, Jisas witin nani wina dakwi takan, sim walpa kum lulkan praiska ba baku, bara bahara witin ai lula krikan ai pura sunaia.

Luk 22:41 ပူးပေါင်းရင်းမြစ်များ

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Mark 14:35

Jisas kau wiria laihura wih tasba ra bawi ai mawan tasba kat praki, Gâd ra ai pura sunan, sip kaka baha pât wahwaia latwanka ba, witin wina lubia.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Apastil Nani Sturka 20:36

Naha diara nani aisin ningkara, Pal ai lula kriki baha nani sut aikuki ai pura sunan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Apastil Nani Sturka 9:40

Ningkara, Pita win baha nani sut ba latara takbia, bara witin ai lula kriki ai pura sunan. Mairka pruan ba kat kaiki, naku win: —¡Tabitá, man mahka bus! Bamna mairka ba ai nakra ilingki Pita ra tawi kaikan, bara mahka bûi iwan.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.