Luk 22:30 - DAWAN BÎLA AISKA

³⁰ Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

Luk 22:30 ပူးပေါင်းရင်းမြစ်များ

2 Samuil 19:28

King tara, man mamwanra yang papiki luhpia nani sut ba pruaia aitani pali kan. Naha man albikam na paiwram kan king tibilkam ra iwi plun piaia. ¿Kau dîa wala king tara ra makabaia sip sna ki?

Lawana Nani 49:14

Witin nani sîp daknika baku, pruan nani tasbaya mihta ra mangkan sa, raiti kat brih auya, sîp nani kan baku. Yapi lalawbia ningkara, upla yamni nani ba, witin nani pura lui bubia bara ai karnika ba lika âpu takbia bara raiti ba, witin nani iwaia watla takbia.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Matiu 8:11

Man nani ra sin mai wisni: Upla ailal lalma wina bara muna wina sin balbia, bara Gâd king aimaki ba lâka ra plun piaia iwi banhbia, Ebraham, Aisak bara Jekob wal aikuki;

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 14:15

Naha walan ba ra, baha nani tibil ra iwi kan ba wina kum mita Jisas ra win: —¡Lilia pali sa ani uplika Gâd king aimaki tasbaya ra brit pibia ba!

2 Timoti 2:12

yawan pât wahwisa kaka, witin wal sin yawan king aimakbia. Yawan bui witin ra apia wibia kaka, pana witin mita sin apia wan wibia.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

Param Marikanka 19:9

Bara insal ba mita ai wisata: “Naha na uls: ‘Lilia pali sa Sîp Luhpia marit takan lilia ra paiwan nani ba.’ ” Insal ba mita kau ai win: “Naha nani lika Gâd bîla kasak lâka sa.”

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 4:4

Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan.