Luk 22:20 - DAWAN BÎLA AISKA

²⁰ Kâp ba wal sin baku daukan plun pin ningkara, bara naku wisata: —Naha kapka na sika lâ raya daukan ba yang tâilia mita, bara sut dukiamra laiwi ba.

Luk 22:20 ပူးပေါင်းရင်းမြစ်များ

Impakan Sturka 24:8

Bara Moses tala ba brin bara upla nani purara srikbi bara win: —Naha tâlia na sika man nani wal Dawan lâ daukan ba tukinka sa, bîla bani aisin ba sut dukiara sa.

Jirimaya 31:31

Dawan ba kasak aisisa: “Yua kum balbia bara yang daukamni lâ raya Israel bara Juda wal ra;

Sakaraya 9:11

Dawan naku aisisa: “Jerusalem, man tala laiki lâ daukram ba mita, liwanhta lâwan ra uplikam nani silak ra mangkan bâra ba, yang baha wina sakamna.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Mark 14:24

Bara witin nani ra win: —Naha na yang tâilia sa, lâ daukan ba, bara upla ailal dukiara laikan sa.

1 Korint 11:25

Baku sin, pata tara ba pin ningkara, kâp ba ai mihta ra brin, bara wisata: “Naha kapka sika lâ raya daukan sa, yang tâilia ni. Aima bani man nani disma ba ra, yang ra luki dauki bas.”

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 9:15

Baha mita, Jisas Kraist ba lika lâ daukan raya kum lengstarka sa. Kraist pruanka ba takan sa, upla nani pas lâka daukan munhtara nani kan saurka daukan nani ba swih tikaia, bara Gâd mita paiwan uplika nani ba ban kaia dukia nani Gâd mita yaia pramis munan ba, witin nani briaia sip kabia dukiara.

Hibru Nani 9:17

Kan lâ kum dauki swin ba lika bahki sa, baha daukan uplika ba kau raya sa kaka; baha uplika ba pruya kat lika, lâka ba karnika brisa.