Luk 22:18 - DAWAN BÎLA AISKA

¹⁸ kan yang mai wisni, wain kiwka mâ ba wina kli dimna apia, Gâd king aimaki lâka ba balbia kat.

Luk 22:18 ပူးပေါင်းရင်းမြစ်များ

Lawana Nani 104:15

Plun ba upla ra karnika yabisa, wain ba upla rayaka ra lilia yabisa, bara ai mawan ba kau lipisa batana baku.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Matiu 26:29

Sakuna mai wisna, naha wainka laya wina kli dimna apia, man nani aikuki Aisiki king aimaki tasbaya ra wain raya dimna yua ba kat.

Mark 14:23

Ningkara, witin kâp kum brih, Gâd ra tingki wisi, witin nani ra yan, bara sut baha kapka wina din.

Mark 14:25

Kasak pali mai wisni: Yang kli naha wain dusa mâ wina dimna apia, wain raya Gâd kingka tasbaya ra dimna ba kat.

Mark 15:23

Bara wain, sîka mahka tahpla wal mangki witin ra yan, sakuna baha sip diras kan.

Mark 9:1

Bara Jisas mita win: —Kasak pali mai wisna, naha uplika nani na wina, tila nani ba prubia apia, Gâd prana ba kaikbia ba kat ai karnika tara wal balbia ba.

Luk 21:31

Baha sim natka ra, naha diara nani takan kaikisma ba ra, damra wals Gâd King aimaki lâka ba pat baila sa.

Luk 22:16

Bamna yang mai wisni, kli man nani wal nahmuna pata pimna apia, Gâd King aimaki lâka ba aimakbia ba kat.

Luk 9:27

Kasak pali man nani ra mai wisni, nahara tilara upla kum kum nâra sa, witin nani prubia apia, Gâd kingka lâka ba kaikras kaka.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

Wihta Nani 9:13

Sakuna wain kiwka bila sin witin nani ra apia win: ‘Yang dus nani kingka aimakaia sna kaka, wain laya sakisna ba ban saki kamna apia; wain laya ba ni sika yang bui upla nani ba lilia daukisna, bara Dawan ra sin.’