Luk 22:12 - DAWAN BÎLA AISKA

¹² Bamna mamrikbia purara rum tara kum pat ridi daukan sa; bahara tutni pata ba ridi dauks.

Luk 22:12 ပူးပေါင်းရင်းမြစ်များ

Luk 22:11

Baha watla dawanka ra wis: ‘Smasmalkra ba mai wisa: ¿Ani rumka ra yang disaipilki nani aikuki Insal luan Yua Liliaka tutnika pata ba piaia?’

Luk 22:13

Witin nani wan ba ra, diara nani dukiara Jisas win ba sut wal prawan, bamna Insal luan Yua Liliaka tutnika pata ba ridi daukan.

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 1:13

Witin nani Jerusalem ra balan ba ra, utla kum purara rum kum ra uli wih dimi takaskan. Witin nani aikuki bâra kan ba sika, Pita, Jan, Jems, Andru, Pilip, Tamas, Bartolomiu, Matiu, Alfeo luhpia Jems ba, Saiman karna Mamunra ba, bara Jems luhpia Judas ba sin.

Apastil Nani Sturka 20:8

Witin nani utla purara rum kum ra asla takan, bahara sin lamp nani manis angkan kan.