Luk 21:6 - DAWAN BÎLA AISKA

⁶ —Yua nani balbia ba ra, naha diara nani man nani kaikisma na sut sauhki tikan kabia, bara walpa kumi sin walpa wala purara ban swin kabia apia.

Luk 21:6 ပူးပေါင်းရင်းမြစ်များ

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 26:9

¿Nahki man sibrin âpu aisisma bara Dawan nina ra wisma naha tempelka na Siló baku takbia, naha tawanka na sin slingban kabia, upla sin âpu swin kabia?” Bara upla sut tempel ra aipaswan Jirimaya ra kir kutban.

Inanka Nani 4:1

¡Gul ba nahki muni mapla tiwan! ¡Gul ingnika lipni ba nahki muni tikan! ¡Tempel walpaya nani ba yabal un nani ra yakaban sa!

Inanka Nani 5:18

Saion ilka ba, il kum sauhki tikan bâra sa; sikiski nani ba, baha purak wapi taukisa.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sakaraya 11:1

¡Líbano, durkam nani ba kwâks, bara pauta klauhan mita yalamkam dusa nani ba angki âpu daukbia!

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Mark 13:2

Sakuna Jisas witin ra win: —¿Man nani naha watla paskanka tara nani na kaikisma? Nahara walpa kumi sin, walpa wala purara ban kabia apia. Sut kat sauhki tikan kabia.

Luk 21:7

Bara makabi walan Jisas ra: —Smasmalkra, ¿ahkia naha diara na takbia? ¿Naha dukia nani takaia sainka nani ba ani kabia?