Luk 21:37 - DAWAN BÎLA AISKA

³⁷ Kakna piua ra Jisas tempel ra smalki kan, kuna tihmia piua, Olivet ilka ra taki wi kan bahara takaskaia.

Luk 21:37 ပူးပေါင်းရင်းမြစ်များ

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Matiu 21:1

Witin nani Jerusalem lamara balan ba ra, Betfagé tawanka lamara balan, Olivet ilka lamara. Bahara Jisas ai disaipilka wâl saki blikan wan,

Matiu 21:17

Bara Jisas baha nani swi si, tawan ba wina taki, Betania ra wih, baha ra tihmia luan.

Matiu 26:30

Witin nani lawana nani aiwanan ningkara, Olivet ilka ra wan.

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Mark 11:12

Yu wala titan, witin nani Betania wina takan, Jisas plun dauki kan.

Mark 11:19

Sakuna tihmia iwan ba ra, Jisas ai disaipilka nani aikuki tawan ba wina taki wan.

Mark 14:49

Yu bani man nani tilamra kapri, tempel ra aisi smalki, bara man nani ai alkras kapram. Sakuna baha ba ban baku takaia kan, Ulbanka ba kat aimakbia dukiara.

Luk 19:29

Pat Betfagé bara Betania tawanka lamara balan, Olivet ilka wi yaba lamara, bara witin mita ai disaipilka wâl saki bliki,

Luk 19:37

Witin pat Jerusalem lamara balan kan, bara Olivet ilka wina bal iwaia man kan ba ra, disaipil nani daknika aiska ba ai bîla baikra tara ni, tingki wih mayunan, diara tara nani, witin nani ai nakra pali kaikan ba dukiara.

Luk 19:47

Bara yu bani Jisas tempel ra upla smalki kan, bara prîs wihtka nani, Lâ Smasmalkra nani bara upla tâ aimaki nani ba mita nahki ikaia sapa pliki banhwi kata.

Luk 22:39

Jisas baha wina taki, ai natka kan ba baku, witin Olivet ilka ra wan; disaipil nani sin ai nina bliki wata.

Jan 12:1

Insal luan Yua Liliaka kau yu 6 kan, Jisas Betania ra wan; bahara Lasarus takaski kata, bara witinka sika Jisas mita pruan wina bukata ba.

Jan 18:2

Bara Judas, witinka mita Jisas waihla mihta ra mangkan ba, baha pliska ba pain kaiki kan, kan Jisas piu bani baha pliska ra ai disaipilka nani aikuki asla taki kan.

Apastil Nani Sturka 1:12

Bara apastil nani sut Olivet ilka ba wina kli Jerusalem ra tawi balan. Baha ilka ba Jerusalem wal baila pali kata, baha prais sika ris yua ra wapaia aitani kulkan ba.