Luk 21:24 - DAWAN BÎLA AISKA

²⁴ Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Luk 21:24 ပူးပေါင်းရင်းမြစ်များ

Blasi Sturka 34:26

Hamor bara ai luhpia Siquem ra sin sord ni ikan. Bara witin nani ba iki si, Siquem watla ra dimi ai lakra Dina saki brih taki wan.

Impakan Sturka 17:13

Bara Jasua bui Amalec uplika nani ba sord ni baman iki âpu daukan.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Aiseya 63:18

¡Man uplikam holikira nani ba, piua prahni baman ai kuntrika dawanka takan! Yawan wan waihla nani ba tempelkam ba ai mina ra taiban.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Inanka Nani 1:15

Waitna karnakira nani tâiwan aiklabaia bri kapri ba sut, Dawan mita munan, yang wina laihura plapi banhwan. Witin aiklaklabra daknika kum asla dauki, yang maipara aiklabaia blikan, upliki karnakira nani brisna ba sut âpu daukaia mata. ¡Dawan bui Juda sunukira kan taibi tanhta daukan, wain mâ nani ra taibi âpu laya saki baku!

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 8:13

“Baha ningkara walri insal kum aisi kan, bara insal wala kan ba ra makabi walan: ‘¿Ahkia kat tnata alkan kabia ki, naha yu bani sakripais daukaia altar ra daukri ba, yawan kaiki na? ¿Naha saurka na ahkia kat kabia, Gâd wal aisaia watla bara kristian nani sin mihta ra mangkan ai mina ni taibi ba?’

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Luk 21:25

“Bamna sain nani takan kabia lapta ra, kati ra bara slilma nani ra sin, naha tasba ra nisan nani ba aihka aimawahkan kabia, bara sibrin tara sin takbia kabu ripka binka tara ba mita.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.