Luk 21:22 - DAWAN BÎLA AISKA

²² Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Luk 21:22 ပူးပေါင်းရင်းမြစ်များ

Aiseya 34:8

Baha Dawan mita pana munaia yua ba aimakbia, Saion tâwan aisaia manka alkan.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 1:22

Naha sut na takan, Dawan mita ai prapitka bâk aisin ba aiska daukaia dukiara:

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Kli Smalkanka 32:34

“Naha sut na main kaiki brisni; manakira dukia baku main kaikisni,

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.