Luk 20:6 - DAWAN BÎLA AISKA

⁶ Bara upla nani wina yawan wibia kaka, upla sut mita walpa ni sabi wan ikbia, kan witin nani kasak lukisa, Jan dîa aisi kan ba lika Gâd wina kata.”

Luk 20:6 ပူးပေါင်းရင်းမြစ်များ

Matiu 11:9

Bamna, ¿dîa kaikaia watma? ¿Prapit kum? Âu, kasak, bara prapit ba wal witin kau purara sa.

Matiu 14:5

Herod Jan ra ikaia want pali kan, sakuna upla nani ra sibrin bri kan, upla sut mita Jan ba Gâd prapit kulki kan bamna.

Matiu 21:26

Bara upla nani mita blikan wibia kaka, yawan upla nani ra sibrin wan daukisa; kan upla sut kasak lukisa Jan ba Gâd prapit kan.”

Matiu 21:46

Bamna witin nani bui Jisas ra alkaia lukan, sakuna upla nani ra sibri kan, kan upla nani kasak kulkan Jisas ba Gâd prapitka kan.

Matiu 26:5

Sakuna witin nani naku aisi kan: —Lilia yua tara ra lika apia, upla nani unsabiara sîa.

Mark 12:12

Bara witin nani trai kaikan Jisas ra alkaia, kan witin nani kaikan naha maprika lilka aisin na, witin nani mapara aisin. Sakuna upla nani ra sibri kan bamna, witin ra swi si, mahka wan.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 20:5

Witin nani ai mânka pana pana tawi aisi, win: “¿Dîa yawan wibia ki? Gâd wina blikan wibia kaka, witin wan wibia: ‘¿Dîa kan man nani bui witin ra kasak lukras kapram?’

Luk 20:7

Bamna witin nani bila: —Yang nani kaikras ya mita Jan ba upla tahbi daukaia blikan kan sapa.

Luk 7:30

Sakuna parisi nani bara Lâ Smasmalkra nani Jan mita tahbi daukras kan ba, Gâd bui witin nani dukiara dîa daukaia lukan ba, bahki kulkan.”

Jan 10:41

Upla ailal Jisas kaikaia balan ba, naku aisi banhwi kan: —Âu, Jan lika wark aihka nani daukras kan, sakuna naha waitnika dukiara diara nani aisi kan ba lika sut kasak pali kan.

Apastil Nani Sturka 5:26

Bara suldiar wihtka ba, suldiar nani aikuki wih apastil nani ba alki brih balan, kuna diara munras kan, upla nani kra walpa ni sabiara sîa.