Luk 20:41 - DAWAN BÎLA AISKA

⁴¹ Jisas baha nani ra win: —¿Nahki kan upla nani wisa, Misaya ba Debit luhpia sa?

Luk 20:41 ပူးပေါင်းရင်းမြစ်များ

Jirimaya 33:21

Baha baku natka ra sin, naipakan Debit wal lâ daukri ba daukras swiaia sip apia, witin ai kiamka wina kum ai iwaika ra king aimaki kaia sa, apia kaka, duki dadaukra prîs Libai kiamka wina ba sin ban bâra kaia sa.

Matiu 1:1

Naha sika Jisas Kraist damika sturka ulban ba, witin ba Debit bara Ebraham kiamka ba.

Matiu 9:27

Jisas baha wina takan ba ra, blain wâl ai nina bliki, ai bîla baikra naku winan: —¡Debit Luhpia, yang nani ra umpira ai kaiks!

Jan 7:42

Ulbanka ba wisa Misaya ba king Debit kiamka wina kaia sa, bara sin Betlehem ba wina kabia, baha sim pliska ba sika Debit Tawanka ba.

Apastil Nani Sturka 2:30

Ban sakuna, Debit lika prapit kum kata. Bamna witin pain pali kaiki kan, Gâd swer taki kira witin ra pramis munan tânka ba, nahki ai kiamka ba wina kumi ai iwaika ra iwbia.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”