Luk 2:4 - DAWAN BÎLA AISKA

⁴ Baku bamna, Josep Galili tawanka kum Nasaret ba wina taki, Judia tawanka kum nina Betlehem wi ba ra balan. Bahara sika king Debit aisubi takan ba, Josep ba sin Debit kiamka kan bamna.

Luk 2:4 ပူးပေါင်းရင်းမြစ်များ

Blasi Sturka 35:19

Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa.

Blasi Sturka 48:7

Yang Padán-aram wina tawi balri ba ra, yaptikam Raquel, Efrata ra dimaia lamara, Kenan kat pruan. Bara Efrata yabalka kat bikri, nanara baha pliska nina ba Betlehem mâkisa.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Matiu 1:20

Naha luki kan ba ra, Dawan insalka kum yaprisauhkan ra latan taki, naku win: “Josep, Debit kiamka sma ba, man Meri ba mayam briaia si bripara, ai luhpia bribia ba lika Spirit Holikira karnika wina sa bamna.

Matiu 2:23

Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Luk 2:3

Upla sut wan ai aisubanka tawanka kat ai nina ulbaia.

Luk 2:5

Josep Meri wal Betlehem ra wan ai nina mangkaia; baha piua Meri lika Josep wal marit takaia lâ daukan kan, bara sin aisubaia pali man kata.

Luk 4:16

Jisas Nasaret ra wan; baha tawanka ra sika witin pâwan ba. Ris yua ra ai natka kan ba baku, Ju nani priaska watla ra wih diman, bara ai mina ra buan Ulbanka nani wina aisi kaikaia.

Jan 1:46

Natanael bila: —¿Nasaret ba wina ban diara pain bal takbia ki? Pilip mita win: —Bal kaiki, tânkam bris.

Jan 7:42

Ulbanka ba wisa Misaya ba king Debit kiamka wina kaia sa, bara sin Betlehem ba wina kabia, baha sim pliska ba sika Debit Tawanka ba.

Rut 1:19

Bamna witin nani wâlsut Betlehem kat wan. Betlehem tawanka ra diman ba ra, upla nani sut witin nani ra kaiki tâ iwan. Bara mairin nani ba bui aisi kan: —¿Naha na Noemí apia?

Rut 2:4

Bara Booz lika Betlehem wina insla ra wan, bara mâ kriki uplika nani ra lakula win: —¡Dawan ba man nani wal kabia! Bara witin nani pana witin ra win: —¡Dawan ai yamnika maikbia!

Rut 4:11

Almuk nani ba bara upla wala nani ba sut sin aisin: —Âu, witniskam nani sna. Sakuna Dawan sin Rut ra tâ baikbia Raquel bara Lea wal ra daukan ba baku, witin nani wina Israel luhpia nani bal takan. Bara man sin Efrata Betlehem wal tilara upla tara mai kulkan kabia.

Rut 4:17

Ai lamara iwi mairka nani ba baha kaiki, ai tilara aisin: —¡Noemí luhpia waitna kum aisubi takan sa! Bara tukta nina ba Obed mâkan, Obed luhpia ba Jesé, bara Jesé luhpia ba Debit.

1 Samuil 16:1

Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 16:4

Dîa daukaia Dawan bui win ba Samuil baha daukan. Bara witin Betlehem ra wan ba ra, tawan almukka nani ba ai lakula wiaia bal takan, sakuna witin nani sibri kan, bara witin ra makabi walan: —¿Man kupia kumi lâka brih aulma ki?

1 Samuil 17:12

Waitna kum bâra kan Betlehem wina, nina Jesé, Saúl piua ra witin pat almuk kan. Naha waitna ai luhpia 8 bri kan, witin nani kumika ba Debit.

1 Samuil 17:58

bara witin Debit ra makabi walan: —Ai wis, wahma lupia, ¿man ba ya luhpia sma? Debit pana win: —Yang lika Jesé luhpia, witinka Betlehem wina ba, king dukia dadaukra.

1 Samuil 20:6

bara papikam yang dukira makabi walbia kaka, wis man wina aihni adar kum briri yang tawanki Betlehem ra waia, taiya nani sut mani bani sakripaiska dauki ba tilara, witin aikuki lilia briaia.