Luk 2:24 - DAWAN BÎLA AISKA

²⁴ Witin nani sin sakripais daukan Dawan lâka ra ulban ba baku: butku wâl, apia kaka, butku sirpi wâl.

Luk 2:24 ပူးပေါင်းရင်းမြစ်များ

Libait Lâka 1:14

“Baha wîna aiska angki Dawan ra sakripais dauki yabaia ba daiwan tnawira kum sa kaka, butku tara kum, apia kaka butku sirpi kum kaia sa.

Libait Lâka 12:2

“Israel luhpia nani ra naha na wis: Mairin kum ba kwihra tiwan ba ra, ai luhpia waitna kum baikbia bara yu 7 tâski kulkan kabia, kati sikniska bri ba baku.

Libait Lâka 5:11

“Saura daukan uplika ba, butku tara wâl, apia kaka, butku sirpi wâl pan atkaia lalahka sin briras sa kaka, plawar kau pain ba wina paun wâl brih waia sa ai saurka daukan ba mana. Sakuna saurka daukan mana brih aula ba mita, plawarka ba purara batana laya laikaia apia, kîa yamni angki daukaia dukia nani sin mangkbia apia.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.