Luk 2:10 - DAWAN BÎLA AISKA

¹⁰ Sakuna insal ba bila: “Man nani si bripara, kan yang bui man nani ra sturi pain kum mai wiaia balri, naha na upla sut mapa ra lilia tara kabia.

Luk 2:10 ပူးပေါင်းရင်းမြစ်များ

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 41:27

Yang sika pas baha tânka nani Saion ra marikri ba, bara ya mita blikan Jerusalem ra bîla twatwilkra kum witin nani ra wiaia upla nani ba pat pali kli tawi balbia.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 52:7

Kaiks nahki pranakira ba, baha mina nani il nani purak lilia sturka nani brih aula ba, baha kupia kumi sturka maisa paki ba, baha sturi yamni brih aula ba, bara swaki sakan sturka ba maisam paki ba, bara witin nani Saion ra wisa: “¡Man Gâdkam ba king sa!”

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 14:27

Sakuna Jisas aisi, naku win: —¡Kupiam karna bris; yang sna, si bripara!

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 28:5

Bara insal ba mita mairka nani ra win: —Man nani si bripara. Yang kaikisna man nani ba Jisas dus prihni ra pruan ba plikisma.

Mark 1:15

Jisas naku aisi kan: “Pat piua ba aimakan sa, bara Gâd king aimaki ba lâka sin pat baila sa. Gâd ra kupiam laks, bara sturi yamni ba bris kasak lukan lâka wal.”

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 1:13

Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:19

Insal ba pana witin ra win: —Yang lika Gabriel, Gâd dukia dadaukra ba; witin mita ai blikan naha sturka man ra maisam paki mai wiaia.

Luk 1:30

Bara insal ba bila: —Si bripara, Meri, Gâd mita man ra yamni pali mai kaikan sa bamna.

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Luk 8:1

Naha ningkara, Jisas tawan tara nani bara tawan sirpi nani ra sin impaki, Gâd Kingka Lâka sturka ba smalki kan. Apastil 12 ba witin yula kahbi tauki kan.

Apastil Nani Sturka 13:32

“Baku bamna, yang nani nâra sna baha sturka yamni ba man nani ra mai wiaia, Gâd bui dîa wan damika nani ra pramis munan ba.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.