Luk 19:37 - DAWAN BÎLA AISKA

³⁷ Witin pat Jerusalem lamara balan kan, bara Olivet ilka wina bal iwaia man kan ba ra, disaipil nani daknika aiska ba ai bîla baikra tara ni, tingki wih mayunan, diara tara nani, witin nani ai nakra pali kaikan ba dukiara.

Luk 19:37 ပူးပေါင်းရင်းမြစ်များ

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

2 Kronikas 29:36

Ezequías bara upla nani sut lilia kan Gâd upla nani mata dîa daukan ba dukiara, kan naha sut takan na istikira kata.

Matiu 21:1

Witin nani Jerusalem lamara balan ba ra, Betfagé tawanka lamara balan, Olivet ilka lamara. Bahara Jisas ai disaipilka wâl saki blikan wan,

Mark 13:3

Ningkara witin nani Olivet ilka ra wan, tempel mawan tani ra. Jisas bahara iwi kan ba ra, Pita, Jems, Jan, Andru kat tnaya ra tawi makabi walan:

Mark 14:26

Lawana nani aiwani luan ba ningkara, witin nani Olivet ilka ra wan.

Luk 18:43

Baha sim piua ra, blain kata ba sip kan diara kaikaia, bara mahka Jisas nina blikan, Gâd nina mayuni. Bara upla nani naha kaikan ba sin sut Gâd ra mayunan.

Luk 19:20

“Bara wala kum bal, wisata: ‘Kingki, kaiks, man lalahkam nâra sa. Yang angsar kum ra blaki, main kaiki bri kapri;

Luk 19:29

Pat Betfagé bara Betania tawanka lamara balan, Olivet ilka wi yaba lamara, bara witin mita ai disaipilka wâl saki bliki,

Luk 19:36

Jisas auya kan ba ra, ai kwalka nani yabal ra palki kata.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Jan 12:18

Baha mita upla nani taki wan Jisas wal prawaia, kan witin nani kaikan Jisas sain aihka pali daukan bamna.