Luk 18:3 - DAWAN BÎLA AISKA

³ Baha sim tawanka ra piarka mairin kum kata, baha piarka mairin ba kli kli naha wihta ra wan, witin ai waihla kum bri kan ba wal ai wapnika daukbia wisi makabi.

Luk 18:3 ပူးပေါင်းရင်းမြစ်များ

Job 22:9

Piarka mairin nani ba ai mihta bîla baman ban swiram wi kan, bara rau nani ra saura muni kapram.

Job 29:13

Pât ra kan uplika ba tingki ai wi kata, yang tâ baikanki ba piarka nani mapa ra liliaka kum kata.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Matiu 5:25

“Upla kum mita lâ mai dingki lâ watla ra mai brih wabia kaka, yabal ra wal kupiam kumi taks, wihta mihta ra mai mangkbia apia dukiara. Kan baha daukras kaka, wihta ba mita pat suldiar nani mihta ra mai mangki silak ra mai mangkbia.

Luk 18:2

Witin bila: “tawan kum ra wihta kum bâra kan, witin lika Gâd ra sibrin lukras, bara upla kum ra sin kulkras kata.

Luk 18:4

Wihta na piu wihka pali, piarka mairin lâka ba wapni dauki yaia want apia kan. Kuna ningkara lukan: ‘Yang lika Gâd ra sibrin lukras, upla ra sin kulkras,

Luk 18:5

ban sakuna, naha piarka mairin ban ambuk ai muni bamna, yang lâka ba nanara wapni dauki yamna, kli bal ambuk ai munan man si, kupi alki takaski brisna ba ban tikbia apia dukiara.’ ”

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’