Luk 18:23 - DAWAN BÎLA AISKA

²³ Sakuna waitna ba naha walan ba ra, sari pali takan, kan witin ba yuyakira kata.

Luk 18:23 ပူးပေါင်းရင်းမြစ်များ

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Matiu 19:22

Sakuna wahma ba naha walan, sari pali taki mahka wan, witin lalahkira kata bamna.

Mark 10:22

Sakuna waitna ba naha walan ba ra, sari takan, bara ai kupia sarikira mahka wan, witin yuyakira pali kan bamna.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Luk 18:24

Wahma ba sari kan Jisas mita kaiki, naku win: —¡Nahki karna pali sa upla yuyakira kumi Gâd king aimaki tasbaya ra dimaia!

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 8:14

Saumuk mâ nani kiaya nani tilara kauhan ba lika bîla smalkan ba waluya uplika nani, kuna ban ai yabalka nina bliki auya, bara yan taibuya kupia trabilka nani mita, bara lalah nani, bara tasba liliaka nani mita sin yan blakuya, bara baha mita mâ kumi sin sakras.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Jan 2:15

Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia;