Luk 16:24 - DAWAN BÎLA AISKA

²⁴ Bamna witin winan: ‘Aisiki Ebraham, yang ra umpira lukram, bara Lasarus ba blîks ai mihta tâ ba lî buski muni bal twisi tâ na pan buski kauhla daukbia, kan yang na naha pauta ra kasak pât wahwisni.’

Luk 16:24 ပူးပေါင်းရင်းမြစ်များ

Job 20:21

Ai gridika lâka wina diara kumi sin sip swakras kata, baha mita ai âuyapah lâka ba ban wihka wabia apia.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Sakaraya 14:12

Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Luk 16:30

Waitna yuyakira ba pana win: ‘Âu, kasak, aisiki Ebraham, sakuna pruan nani wina kum wabia kaka, witin nani ai saurka nani wina ai kupia lakbia.’

Luk 19:9

Jisas bila: —Naiwa naha watla ra swaki sakan lâka ba balan sa, naha waitna na sin Ebraham kiamka sa bamna.

Luk 3:8

Diara nani dauki mariks, saurkam nani wina kupiam lakram tânka ba, bara man nani pana pana sin aisapara: ‘¡Yawan lika Ebraham kiamka!’; kan yang pali mita mai wisna, Gâd sip sa naha walpaya nani na brih, baha ni Ebraham kiamka nani daukaia.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 7:37

Lilia tara piua prakaia ba lika, kau tara daukan. Baha piua ra Jisas ai mina ra bûi, ai bîla baikra tara ni aisi, naku win: —Ya lî din daukisa kaka, witin ba yang ra bal dibia.

Roman 4:12

Kasak pali, Ebraham lika Aisa sainka mangkan uplika nani ba aisika sa; baha tânka ba lika, ai wîna ra baman Aisa sainka mangkras, sakuna wan aisika Ebraham Aisa sainka briras kainara kasak lukan lâka bri kan ba nina bliki banhwisa.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Jems 3:6

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:15

Ani uplika nina raya kaia wauhkataya ra ulbras kan ba, pauta lakni lakunka ra lulkan kata.

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

1 Samuil 28:16

Samuil pana win: —¿Dîa muni yang ra makabi walisma, Dawan pat lulki mai swin, nanara witin lika man waihlam takan ba?