Luk 16:15 - DAWAN BÎLA AISKA

¹⁵ Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Luk 16:15 ပူးပေါင်းရင်းမြစ်များ

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

2 Kronikas 6:30

kasbrika purara pali ba wina wali kama, baha man iwaikam ba wina, bara pâtka ba ban swih tikma. Bara man mahka dîa daukaia lukma ba daukma, kumi bani ra ai pâtka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 49:13

Baku prui tiwbia, ai wîna kat luki uplika nani ba; baku sin âpu takbia, upla nani aimayuni nani ba.

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Lawana Nani 7:9

Gâd kasakkira, lukanka nani ba laki kaikisma, ai dara walanka tihu pali ba sin, ¡watawikira nani saurka dauki ba yas takaskbia, sakuna upla lukanka pain ba swirka bâra ban kabia!

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Sins Lâka 20:6

Upla ailal bâra sa kumi bani witin ai painka dahra man aisisa; sakuna yaura kasak lukaia ba sip sakras sa.

Sins Lâka 21:2

Upla ba mapara diara sut dauki ba pain baman sa, kuna Dawan wan kupia lukra nani ba paun mangki kaikisa.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:2

“Baha mita, upla umpira nani ra hilp yabisma ba ra, upla sut ra wini wipara, kuninkira nani prias watla nani ra bara tawan bilara aisi nani ba baku. Witin nani lika baku daukisa upla mita witin nani ba pain sa wibia wisi; sakuna yang kasak mai wisna, baha dauki ba wal pat ai prisantka brisa.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Luk 10:29

Sakuna Lâ Smasmalkra ba ai makabanka ba wina swakwaia dukiara, witin Jisas ra naku win: —¿Yang upliki ba ya sa ki?

Luk 11:39

Sakuna Dawan bila: —Man nani parisi nani lika kâp bara plit ba nina tani baman sikbisma, sakuna man nani kupiam ra lika implikan lâka bara diara saura ni sin aibanhwan sa.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Luk 18:21

Waitnika ba bila: —Naha diara sut na bîla wali daukri tuktan piua ba wina.

Luk 18:9

Jisas maprika lilka wala aisin, upla tila nani dukiara witin nani lukan kau painkira sa wala nani ba wal. Witin bila:

Luk 20:20

Bamna biki kakaira nani blikan, baha nani upla pain talia baku, Jisas ra munka diara kum saura aisabia ba ra, wihta tara mihta ra mangkaia wisi.

Luk 20:47

Baku sin, piarka mairin nani watla nani mihta dakbisa, bara kunin baman yari ai pura sunisa. Witin nani sika kau pât tara pali bribia ba.”

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 1:18

Sakuna ai saurka mana aibapan lalahka ba ni, witin wih tasba kum atkan, ningkara witin ai lal tani tasba ra kauhan, bara ai biara nani sut baiwi latara takan.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 15:8

Bara Gâd, witinka upla kupia pain kaiki ba bui naha diara na wan marikan sa, nahki Ju apia nani ra sin want ba, bara Spirit Holikira baha nani ra yaban, sim yawan ra wankan ba baku.

Roman 3:20

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Roman 8:27

Bara Gâd, wan kupia tânka pliki kakaira ba, Spirit dîa aisi ba witin pain kaikisa; kan Spirit lika Gâd uplika nani ba dukiara makabisa, Gâd kupia lâka ba kat.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”