Luk 16:1 - DAWAN BÎLA AISKA

¹ Jisas ai disaipilka nani ra win: “Lalahkira waitna kum witin ai warkka uplika kum bri kata, bara upla nani bal maisa pakan naha warkka uplika ba mita ai dukia nani ba bahki baman tikisa.

Luk 16:1 ပူးပေါင်းရင်းမြစ်များ

Blasi Sturka 15:2

Bara Ebram pana aisi, win: —Dawan Gâd, ¿man maina tara aikma ba yang ra dîa hilpka kabia, man kaikisma luhpi nani âpu sna na? Man luhpa kum sin yang ra aikras sma na, prapatiki nani sut dawanka kaia ba lika albiki kum brisna, nina Eliézer Damaskus wina ba kabia.

Blasi Sturka 43:19

Bamna witin nani utla durka dimaia lama kat wan ba ra, utla bîla wihtka ba lamara wan, sturi aisaia,

1 Kronikas 28:1

Debit Jerusalem ra Israel luhpia nani lalka nani ba sut asla daukan: kiamka bani lalka nani ba, war aiklaklabra daknika nani ai lalka bani aikuki, king dukia dauki kan ba, war aiklaklabra daknika tara lalka nani bara daknika sirpi lalka nani ba, tasba aiska pura kaiki nani, king bara ai luhpia nani bîpka main kaiki nani ba, waitna nani kulkanka kau tara bri ba, war aiklaklabra nani kau yamni nani ba sut sin asla daukata.

Sins Lâka 18:9

Sringwaskira nani bara sauhki tatikra nani ba wal, ai muihni pali takisa.

Oseas 2:8

“Sakuna witin aisaras kan yang wina plawar, wain, batana laya yabi kapri; yang sika silbar, gul ailal yabi kapri ba, witin baha brih, ai gâdka bahki nani lilka paski kan ba.

Matiu 20:8

“Tihmia iwan ba ra, insla dawanka ba wark pura kakaira ra win: ‘Wark tatakra nani ba paiwi, ai mana ba yas; lâs ra balan ba wina aibaps, tâura balan ba lâs ra aibaps.’

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Luk 15:13

Yu kulki luan ningkara, luhpia waitna kau wahma ba ai dukia nani sut asla wahbi brih, plis laihura wan, bara bahara saura baman dauki, ai lalahka kata ba sut âpu tikan.

Luk 15:30

Sakuna naha man luhpiam balan sa, witin lika man lalahkam rug mairin saura nani wal bahki ra baman tikan, bara witin dukiara man bîp lupia batanira ba ikram.’

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Luk 16:2

Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Luk 19:20

“Bara wala kum bal, wisata: ‘Kingki, kaiks, man lalahkam nâra sa. Yang angsar kum ra blaki, main kaiki bri kapri;

Luk 8:3

bara Cuza maya mairin ai nina ba Juana, waitnika ba lika Herod watla ra klark kata; wala ba Susana, bara mairin wala nani sin uya; witin nani lika Jisas ra bara disaipil nani ra dîa diara bri kan ba wina hilp muni kata.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Jems 4:3

Man nani makabankam nani ba saura makabisma bamna, sip briras; kan man nani wînam liliaka dukiara baman lukisma bamna.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.