Luk 13:24 - DAWAN BÎLA AISKA

²⁴ —Man nani trai muni, dur bîla sirpi bâk mahka dims; kan yang mai wisni, upla manis dimaia want kabia, sakuna sip dimbia apia.

Luk 13:24 ပူးပေါင်းရင်းမြစ်များ

Sins Lâka 14:6

Ai tânka saura bri uplika ba, sins lâka plikisa kuna sakras, sakuna diara tânka luki uplika mapara, sins lâka briaia karna apia sa.

Sins Lâka 21:25

Upla sringwaskira, kupia brinka mita witin ba ikuya; kan ai mihta nani wark takan daukras bamna.

Smasmalkra 10:15

Sinskas ba wark taki dring pruisa, tawan ra waia yabalka kat sin kaikras.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Luk 13:23

Bara upla kum mita makabi walan: —Dawan, ¿upla kulki baman swaki sakan sa ki? Witin bila:

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Jan 13:33

Luhpi lupia nani, kau piua wihka lika man nani wal kamna apia. Man nani ai plikma, sakuna Ju nani ra wîri ba baku, nanara man nani ra sin mai wisni: Yang auna pliska ra man nani sip wama apia.

Jan 5:4

Kan insal kumi ai piua kat baha lî madakura ra bal iwi munan aiawi kan, bara ani uplika pas lî aiawanka ba ningkara dimuya kaka, dîa dîa sât sikniska bri kan ba sut wina rawi kan.]

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 7:34

Man nani ai plikma kuna ai sâkma apia, kan man nani sin sip wama apia yang anira kamna pliska ba ra.

Jan 8:21

Bamna Jisas kli baha nani ra win: —Yang mahka auna, bara man nani ai plikma, sakuna saurkam nani tilara pruma; kan yang auna ba ra man nani sip wama apia.

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Jasua 7:3

bara witin nani kli tawi balan bara diara kaikan ba sturka ba sut Jasua ra win: “Yang nani kaikisna wan uplika nani na sut Ai mapara wih aiklabaia apia sa, upla 2,000, apia kra 3,000 wabia kaka, baha aitani sa tawanka ba dakbi briaia. Kan uplika nani ba maura lupia baman ai tawanka ba kan kahbi aihwakisa. Bamna wan uplika nani sut blîkpara.”

2 Pita 1:10

Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.