Luk 13:19 - DAWAN BÎLA AISKA

¹⁹ Bamna mostard mâ kumi wal baku sa, waitna kum ai nasla ra mangkan ba, bara baha ba pâwi ban dus tara kum takuya, bara tnawira nani ba ai tnawa nani ra ai watla mâkisa.”

Luk 13:19 ပူးပေါင်းရင်းမြစ်များ

Yamni Kulki Lawana 4:12

Man, laikra lupia, wal kut taki mairka lupia, giadin kum kî mangki prakan ba baku sma, lî kârma kî mangki prakan baku sma, lî aubra kârma prakan ba baku sma.

Yamni Kulki Lawana 4:16

Yahbra payaska painkira, ¡rawi bus! Waupasa payaska painkira, ¡nâra bal! ¡Giadinki purara krawi bas, bara kîa pain nani sin wauhi bas! Bal, laitwankira waitna, man giadinkam ra bal, bara dusam mâ auhni nani ba wina pis.

Yamni Kulki Lawana 6:2

Laitwankira waitna ba ai giadinka ra taki wan, ai giadinka kîa painkira bri ba ra, ai sîpka nani twi dakakaia, bara tangnika nani sin dakbaia.

Yamni Kulki Lawana 8:13

¡Ai swis man bîlam baikra walamna, giadin nani kwinka! ¡Wan uplika nani bîla baikra walaia bîla kaikisa!

Aiseya 53:1

¿Ya kasak lukbia yawan dîa wali ba? ¿Bara ya purara Dawan ba ai karnika ba param sakan sa ki?

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 31:6

Tnawira sât sât baha tnawa ra ai watla dauki kan; daiwan wail nani sât sât ba baha munhtara ai luhpia baiki kan. Nisan ailal baha distika ra iwaia sip kan.

Daniel 4:12

Ai wahia nani ba tara pain pali kan, ai mâ ba sin ailal pali kan, upla sut ra plun dakakaia ba aitani kan. Daiwan wail nani ba ai distika ra dimi kan, ai tnawa nani ra piawira nani ai watla dauki kan, tasba aiska ai rayaka ba baha wina saki kan.

Daniel 4:21

ai wahia nani tara pain bri kan bara ai mâ ba ailal pali kan, sip kan upla sut baha wina plun brih piaia, ai distika ra bal dimi kata daiwan nani laih twi wina, tnawa nani ra piawira nani ai watla dauki kan.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Mark 4:30

Jisas naku sin win: “¿Gâd king aimaki ba lâka, dîa wal baku sa lukisma, apia kaka, yawan ani maprika wal prakaia sip sa?

Luk 17:6

Bara Dawan pana win: —Kasak lukan lâka ba sim mostard mâ lupia ba baku pan brisma kaka, naha kwah damni dusa tara ra sip sma wiaia: “Naha wina daiwi, kabu ra wih dimi was”, bara dusa ba baha kat daukbia.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 21:20

Baha nani ba naha diara nani na walan ba ra, Gâd ra mayunan. Ningkara, witin nani Pal ra win: —Muihki, man sin kaikisma nahki Ju nani tausin ailal kasak lukan sa, witin nani sut wisa, Moses lâka ba kulkaia sa.

Apastil Nani Sturka 4:4

Naha apastil wâl smalkanka ba wina upla manis pali kasak lukan; waitna nani baman kulkan ba 5,000 lamara kata.

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”