Luk 12:48 - DAWAN BÎLA AISKA

⁴⁸ Sakuna ani albika ai dawanka dîa brin dauki ba tânka briras, bara witin diara nani daukan ba tâwan prukaia aitani kabia, sakuna wiria baman klala yan kabia. Ani uplika ra uya yan ba, baku sin witin wina kasak makaban kabia; bara ani uplika mihta ra diara kasak mangkan ba, witin wina sin kau diara ailal makaban kabia.

Luk 12:48 ပူးပေါင်းရင်းမြစ်များ

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Kulki Kaikanka 15:27

“Saura daukan uplika kum, ai kupia brinka wina apia kan kaka, baha uplika ba witin pali ai dukiara guts mairin mani kumi bri ba aiska angki daukbia, ai saurka daukan ba mana.

Matiu 13:12

Kan ya diara bri ba, bâra kau yaban kabia, bara witin kau ailal bribia; sakuna ya diara âpu ba lika, wiria lupia bri ba sut dakbi brin kabia.

Matiu 23:14

[¡Lâ Smasmalkra nani bara parisi nani, kuninkira nani, man nani mapara alai pali kabia! Kan man nani mita piarka nani watla mihta dakbisma, bara kunin baman pura sunra nani yari daukisma. Baha mita man nani ba kau pât tara brima.]

Luk 12:41

Bamna Pita mita makabi walan: —Dawan, ¿man naha maprika sturka aisaram na yang nani dukira baman sa, apia kaka, upla sut dukiara sa ki?

Luk 12:49

“Naha tasba ra yarka pauta klauhbia dukiara balri; ¡bara pat pauta klauhi kaka kaikan pali ai daukisa!

Luk 16:2

Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Kli Smalkanka 25:2

Wihta bui pâtkira ba yaka ai mawanra aimakupbia, bara adar yabia wipaia, witin ai pâtka ba mana.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

Taitus 1:3

bara nanara, ai piua pali ba kat, baha ba latan wan marikan sa, ai bîla blikan ba bâk. Baha ba yang mihti ra mangkan sa, bara Gâd wan Sasakra adarka mita yang aisi smalkri.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.