Luk 12:37 - DAWAN BÎLA AISKA

³⁷ Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 12:37 ပူးပေါင်းရင်းမြစ်များ

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Matiu 24:42

“Man nani aihwaki bas, Dawan dîa awarka ra balbia ba kaikras sma bamna.

Luk 12:36

Man nani lika sim alba nani ai dawanka marit pata wina kli balaia kan bîla kaiki baku bas, bara ai durka ra bal kingbuya ba ra pat pali wih sâkbia.

Luk 12:43

Lilia pali sa baha albika ai dawanka balbia ba ra, dîa daukaia ai mihta ra swin ba kat dauki kaka sâkbia ba.

Luk 17:8

Apia, sakuna kau ni wima: ‘Tutni pata ba mahka ridi dauks, bara maisam wilki, duki dauki bas, yang plun pimna kat. Baha ningkara, man sip kama plun piaia bara diara sin diaia.’

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 22:27

Bamna, ¿ya ba kau tara kulkan sa ki, witinka tibil ra iwi plun piaia ba, apia kaka, plun tibil ra iwi ba? ¿Kasak apia witinka tibil ra iwi ba? Sakuna yang lika man nani tilamra sna, sim dukia dadaukra baku.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

Pilipai 1:21

Kan yang maipa ra, raya kaia ba lika Kraist, bara pruaia ba lika diara kau pura praki briaia.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”